Oblystyq sanıtarııalyq-epıdemıologııalyq baqylaý departamentiniń basshysy Álııa Bekeshevanyń aıtýynsha, vırýsty ınfeksııanyń juqtyrǵandardyń basym bóligi – 14 jasqa deıingi balalar.
«Oblysta 1-20 qarasha aralyǵynda JRVI juqtyrýǵa baılanysty 32 myńnan astam jaǵdaı tirkeldi. Biraq bul kórsetkish shekteý engizýdi qajet etpeıdi. Qazir jaǵdaı baqylaýǵa alyndy. Jalpy A/H3N2/ túrindegi tumaý – jańa vırýs emes. Bul 1968 jyldan beri aınalymda júr. Bıyl tirkelgen shtamm vaksına quramymen tolyq sáıkes keledi», – dedi Álııa Bekesheva.
Osyǵan baılanysty tumaýdyń zerthanalyq rastalǵan 17 jaǵdaıy anyqtalyp otyr. Osy kezge deıin 58 myńnan astam adam vaksına saldyrǵan.
Oblystyq densaýlyq saqtaý basqarmasynyń basshysy Qaısar Abdalıev emhanalarǵa JRVI sımptomymen keletinderdiń kóbeıgenin rastady. Máselen, sońǵy táýlikte 154 adam qabyldaýǵa júgingen.
«Stasıonarlarda 209 naýqas jatyr. Em qabyldap jatqandardyń arasynda 126 bala men 45 júkti áıel bar. Osyǵan baılanysty óńirde qosymsha sharalar qabyldandy. Turǵyndardan JRVI jáne tumaý belgileri baıqalǵan jaǵdaıda ózin-ózi emdeýden bas tartyp, medısınalyq kómekke ýaqytyly júginýdi suraımyz», – deıdi Qaısar Abdalıev.
