Sýret: rus.baq.kz
- Áıelder kúresinen Irına Kazıýlına Islam yntymaqtastyǵy oıyndarynyń qola júldesin oljalady. 68 kg salmaqta kúresken Irına alǵashqy beldesýinde álem chempıony Nesrın Bashtan basym tústi. Jartylaı fınaldyq tartysta ózbekstandyq Svetlana Oknazarovadan jeńildi. Qola medal úshin kilemge shyqqanda kamerýndyq Ndıffo Eımeldany eńserdi.
- Semserlesý saıysynda elimizdiń quramasy Islam yntymaqtastyǵy oıyndarynda jeńiske jetti. Erlik Sertaı, Vadım Sharlaımov, Kırıll Prohodov bastaǵan erler komandasy alǵashqy aınalymda Qyrǵyzstandy 45:34 esebimen yǵystyryp, jartylaı fınalda Oman sportshylaryn da iri eseppen (45:26) jeńdi. Altyn medal úshin ótken dodada Saýd Arabııasy quramasyn 45:29 esebimen toqtatty. Semserlesý saıysynan bizdiń jigitter bıyl orasan oljaǵa keneldi. Saýd Arabııasyna attanbas buryn álem chempıonatynda tuńǵysh ret qola medal oljalady.
- Úndistanda bokstan álem kýboginiń qorytyndy kezeńi máresine jetti. Elimizdiń erler jáne áıelder quramasyna 1 altyn, 1 kúmis, 6 qola medal buıyrdy. 85 kg salmaqta Sultanbek Aıbaruly fınalda ózbekstandyq Jasýrbek Iýldoshevten basym túsip, Ánuranymyzdy shyrqatty. Nurbek Mursal (70 kg) altyn úshin aıqasta úndistandyq Hıtesh Hıteshke ese jiberip, kúmis medaldy qanaǵat tutty. Álem kýboginiń qola medali Canjaráli Begalıev (80 kg), Danııal Saparbaı (+90 kg), Jansaıa Rahymberdi (51 kg), Uljan Sársenbek (57 kg), Dıana Maǵaýııaeva (80 kg), Ásel Toqtasynǵa (+80 kg) buıyrdy.
