ER MEREII – EL MEREII

ÁLEM ELBASYMYZDY QUTTYQTAÝDA Búgin – Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń týǵan kúni. Memleket basshysy jotaly jastyń bıigine kóterilip otyr. Qazaqstandy táýelsiz memleket retinde ornyqtyryp, búkil álemge tanytyp, moıyndatyp bergen qaıratkerdiń mereıtoıy halyqaralyq qoǵamdastyqtyń da nazarynda tur. Prezıdent Nursultan Nazarbaevtyń atyna memleketter men úkimetter basshylarynyń, sondaı-aq búkil álemdegi tanymal saıası qaıratkerlerdiń kóptegen jedelhattary túsip jatyr. Elimizdiń jaqsy atyn arttyratyn bul Joldaýlarda Nursultan Nazarbaevtyń jahandyq, halyqaralyq saıasattaǵy, Qazaqstannyń serpindi damýyndaǵy, konfessııaaralyq jáne etnosaralyq kelisimniń tabysty modelin qalyptastyrýdaǵy, ıadrolyq qarýǵa qarsy álemdik qozǵalys kóshbasshylyǵyndaǵy asa kórnekti róli atap kórsetilgen. El mereıine aınalǵan er mereıine birge qýanaıyq, halaıyq! Dmıtrıı MEDVEDEV, Reseı Federasııasynyń Prezıdenti: – Qurmetti Nursultan Ábishuly! Sizdiń mereıtoıyńyzǵa baılanysty meniń júrek­jardy quttyqtaýym men eń izgi tilekterimdi qabyl alyńyz. Qazirgi Qazaqstannyń memleket qurýdaǵy, áleý­mettik-ekonomıkalyq damýdaǵy, eldiń halyqaralyq arenada tuǵyryn bıiktetýdegi tabystary Sizdiń atyńyzben tikeleı baılanysty. Kóregen de dana saıasatker retinde Siz óz halqyńyzdyń tanylǵan kóshbasshysy bedeline ıe boldyńyz. Sizdiń Reseı-Qazaqstan strategııalyq áriptestigin qalyptastyrý men tereńdetýge qosqan jeke úlesińizdiń orny tipti bólekshe. Onyń negizinde bizdiń halyqtarymyzdyń dostyǵy men tatý kórshilestiginiń san ǵasyrlyq dástúrleri jatyr. Jyl ótken saıyn Reseı men Qazaqstannyń ara­syndaǵy odaqtastyq qarym-qatynastar ekono­mı­kalyq jáne gýmanıtarlyq salalardaǵy, óńiraralyq yn­tymaqtastyq salasyndaǵy jańa aýqymdy joba­larmen baıı túsip keledi. Bizdiń elderimiz aza­mat­tarynyń ál-aýqatyn arttyrýǵa, áleýmettik-eko­no­mıkalyq salany jańǵyrtýǵa baǵyttalǵan ınnova­sııa­lyq jáne joǵary tehnologııalyq ózara is-qımyldy serpindi damytý ortaq basymdyq bolyp tabylady. Qazaqstannyń Eýrazııa keńistigindegi yqpaldas­tyq úderisterin damytýdy kózdegen tabandy baǵyty laı­yq­ty moıyndalyp otyr. Kóbine-kóp Sizdiń bas­ta­mashyl kózqarasyńyzdyń arqasynda TMD, UQShU, EýrAzEQ, ShYU jáne AО́SShK sııaqty óńirlik bir­les­tikter jumysynyń tıimdiligi arta tú­sýde. Keden oda­ǵy men birtutas ekonomıkalyq keńis­tik qalyp­tas­tyrý jónindegi ýaǵdalastyqtardyń jú­ze­ge asyrylýy bizdiń elderimizdi ózara tıimdi yqpal­das­tyqtyń qazir­giden de joǵary deńgeıine alyp shyǵatynyna senemin. Qurmetti Nursultan Ábishuly, Sizben aramyzda qalyptasqan jarqyn jeke qarym-qatynasty, senim men ózara túsinistiktiń joǵary deńgeıin qatty qadir tutamyn. Shyn júregimnen Sizge myqty densaýlyq jáne dostas Qazaqstan halqynyń órkendeýi jolynda jańa tabystar tileımin. *  *  * Hý SZINTAO, QHR Tóraǵasy: – Prezıdent myrza, Sizdiń 70 jyldyǵyńyzǵa baılanysty meniń shynaıy quttyqtaýymdy jáne eń izgi tilekterimdi qabyl alyńyz. Qazaqstan Respýblıkasy Prezıdentiniń laýazy­myn­da Siz Qazaqstan halqynyń arasynda jan-jaqty qol­daý men qurmetke ıe bolyp, Qazaqstandy ulttyq ór­kendetý isine asa kórnekti úles qostyńyz. Kóptegen jyldar boıy Siz qytaı halqynyń úlken dosy bola otyryp, Qytaı-Qazaqstan tatý kórshilik, dostyq pen yntymaqtastyq qatynastaryn damytýǵa zor mańyz berip, ony tikeleı ózińiz yntalandyryp kelesiz. Osy jaǵdaıdy paıdalana otyryp, Sizge myqty densaýlyq, uzaq ǵumyr, bereke jáne otbasylyq baqyt tilegim keledi. *  *  * Nıkolıa SARKOZI, Fransýz Respýblıkasynyń Prezıdenti: – Qymbatty Nursultan Ábishuly, Sizdi tamasha týǵan kúnińizben, Sizdiń jetpis jyldyǵyńyzben quttyqtaý maǵan zor ǵanıbet. Sizdiń dana basshylyǵyńyzben Qazaqstan TMD men Ortalyq Azııanyń eń damyǵan elderiniń birine, halyqaralyq arenada qurmetteletin elge aınaldy. On eki jyldyǵy osy kúni atap ótiletin Astana da tańǵajaıyp damýǵa ıe fýtýrıstik elorda bolyp otyr, buǵan men Sizdiń shaqyrýyńyz boıynsha ótken jyly 6 qazandaǵy saparym kezinde ózim kóz jetkizdim. Naq sol kezde bizde Qazaqstannyń tóraǵalyǵymen EQYU Sammıtin ótkizý týraly ıdeıamyz paıda bolǵan edi. Men áý bastan qoldaý bildirgen bul joba Uıymnyń barǵan saıyn kóp músheleriniń qoldaýyna ıe bolyp kele jatqanyn atap aıtqym keledi. Biz ony ótkizýdiń jáne onyń naqty mazmunynyń jaǵdaılaryn birlese qarastyrýǵa tıispiz. Sizdiń aldaǵy kezdegi Parıjge saparyńyz bizdiń eki eldiń arasyndaǵy saıası, ekonomıkalyq jáne má­de­nı áriptestikti burynǵydan da nyǵaıta túsýge múmkindik beredi. Prezıdent myrza, qymbatty dosym, Sizge degen aıryqsha qurmetim men meniń dostyǵyma degen sendirýimdi qabyl alýyńyzdy ótinemin. *  *  * Islam KARIMOV, О́zbekstan Respýblıkasynyń Prezıdenti: – Qurmetti Nursultan Ábishuly! Sizdiń mereıtoıyńyzǵa baılanysty eń júrek­jar­dy quttyqtaýym men izgi tilekterimdi qabyl alyńyz. Biz Sizdi táýelsiz ári egemen Qazaqstannyń qurýshysy, óz halqynyń tanylǵan kóshbasshysy dep bilemiz. Qazaqstan qoǵamynyń senimdi ári serpindi ilgerileýi, elde halyqtyń ómir súrý deńgeıi men ál-aýqatyn arttyrýǵa baǵyttalǵan keń aýqymdy reformalar men jańarýlardyń sátti júzege asyrylýy Sizdiń esimińizben baılanysty. Dostas Qazaqstanymyz Sizdiń kóregen jetek­shiligińizdiń arqasynda qoǵamdyq-saıası qurylys pen áleýmettik-ekonomıkalyq damýdyń barlyq salalarynda eleýli jetistikterge qol jetkizdi, sondaı-aq halyqaralyq arenada bıik bedelge ıe boldy. Bizdiń baýyrlas halyqtarymyzdyń arasyndaǵy dos­tyq jáne ózara túsinistiktiń ýaqyt synynan ótken dá­nekerlerin bekite túsýde, sondaı-aq О́zbekstan men Qa­zaqstannyń jan-jaqty ári ózara tıimdi ynty­maq­tastyǵyn damytýda Sizdiń orasan úlesińizge baǵa jetpeıdi. Siz jáne Sizdiń otbasyńyz úshin osynaý aı­ryq­sha kúnde, qurmetti Nursultan Ábishuly, Sizge myq­ty densaýlyq, baqyt jáne Sizdiń Qazaq­stannyń baýyrlas halqynyń órkendeýi jolyndaǵy jaýapty memlekettik qyzmetińizde barsha tabysty tileımin. *  *  * Hýan KARLOS, Ispanııa Koroli: – Prezıdent myrza ári qymbatty dosym! Osynaý tamasha merekeli kúni men Sizdiń mereıtoıyńyzdy toılaýǵa qosylǵym keledi jáne Sizge – ózime tán jylylyqpen, dostyqpen eń júrek­jardy quttyqtaýymdy, ıgilik pen jeke baqytyńyzǵa degen eń jaqsy tilekterimdi jetkizemin. Biz birlese otyryp halyqtarymyz arasyndaǵy onsyz da tamasha qatynastardy odan ári jaqsarta túsý jónindegi jumysymyzdy jalǵastyramyz degen senim bildire otyryp, osy sátti paıdalanyp, Prezıdent myrza ári qymbatty dosym, Sizge erekshe qurmetim men izetimdi bildiremin. *  *  * Shımon PERES, Izraıl Prezıdenti: – Qurmetti Prezıdent myrza! Izraıl halqynyń jáne ózimniń atymnan Sizdiń mereıtoıyńyzǵa oraı eń shynaıy quttyqtaýymdy erekshe razylyqpen joldaımyn, bul mereıtoı Sizdiń otbasyńyzdyń ortasynda, Qazaqstan halqynyń, sondaı-aq jaqyn dostaryńyzdyń arasynda mere­ke­leýge sebepker bolady dep senemin. Siz ózińizdi uly qu­rylysshy, týabitti kóshbasshy jáne dana strateg retinde tanyttyńyz. Qazaqstan men Izraıl arasyndaǵy meniń Qazaq­stan­ǵa 2009 jyldyń maýsymyndaǵy saparymnan beri jal­ǵasyp jatqan jáne bizdiń telefon arqyly sóılesýlerimizben tııanaqtala túsken únqatysý men yntymaqtastyq bizdiń aramyzdaǵy jáne bizdiń halyqtarymyzdyń arasyndaǵy qatynastardy nyǵaıtýǵa óz úlesin qosýda. Prezıdent myrza, myqty densaýlyq, tabys tilegen ystyq nıetimdi qabyl alyńyz jáne meniń bólekshe qurmetime sendirýime marhabat etińiz. *  *  * Haıns FIShER, Avstrııanyń Federaldyq Prezıdenti: – Joǵary Mártebelim! Sizdiń mereıtoıyńyzǵa oraı men Sizge júrekten shyqqan quttyqtaýymdy jetkizgim jáne Sizge osy merekeli kúnge baılanysty myqty densaýlyq, baqyt pen tabys tilegim keledi. Osy jaǵdaıdy paıdalana otyryp, ótken jıyrma shaq­ty jyldyń ishinde Sizdiń eki memleket arasyn­da­ǵy ekijaqty qatynastardy damytý men nyǵaıtýdy dáı­im belsendi jaqtaǵanyńyz úshin Sizge alǵys aıtýǵa ruq­sat etińiz. Siz Avstrııa aldaǵy kezde de Qazaq­stan­men qatynasty tereńdetýge jáne eki eldiń múddeleri úshin yqpaldastyqtyń kóp úmit kúttirerlik ekijaqty áleýe­­tin paıdalanýǵa úlken kóńil bóledi dep senýińizge bolady. Eýropadaǵy Qaýipsizdik pen yntymaqtastyq uıy­mynyń shtab-páteri ornalasqan el retinde Avstrııa Qazaqstannyń osy jyldaǵy áserli tóraǵalyǵyn joǵary baǵalaıdy. Men Uıymnyń 21-shi ǵasyrǵa laıyq keletin qaýipsizdik qoǵamdastyǵyna aınalýǵa múmkindik beretin EQYU Sammıtiniń bıyl ótkenin qalar edim. *  *  * Ilham ALIEV, Ázirbaıjan Respýblıkasynyń Prezıdenti: – Qurmetti Nursultan Ábishuly! Asa kórnekti memleket qaıratkeri Sizdi aıtýly mereıtoıyńyzben shynaıy quttyqtap, Sizge eń ıgi tilekterimdi jetkizemin. Dostas Qazaqstannyń Tuńǵysh Prezıdenti retinde Siz ózińizge júktelgen jaýapty tarıhı mıssııany úl­ken senimmen jáne sheshimtaldyqpen júzege asyra oty­ryp, ózińizdiń kóregen jáne maqsatty saıasaty­ńyz­ben eldiń memlekettik táýelsizdigi men egemendigin saq­tap qaldyńyz ári nyǵaıttyńyz, ony jan-jaqty re­for­malaýdyń jolyna túsirdińiz. Táýelsiz Qazaq­stannyń jetistikteri, onyń áleýmettik-ekonomıkalyq órleýi, eleýli halyqaralyq jáne óńirlik uıymdar aıasyndaǵy jemisti qyzmeti jáne kún ótken saıyn álemdik aýqymda artyp bara jatqan abyroıy eń aldymen Sizdiń atyńyzben baılanysty. Bizdiń memleketaralyq qatynastarymyzdy qa­lyp­tastyrý men damytýdaǵy, ózara is-qımyl men qoldaýǵa negizdeletin, bizdiń halyqtarymyzdyń erik-jigerin tanytatyn strategııalyq áriptestik pen odaqtastyq deńgeıine qol jetkizýdegi Sizdiń eńbegińizdiń ulylyǵyn tereń razylyq sezimmen atap ótkim keledi. Biz bolashaqta da ózara qatynastarymyzdyń jarqyn dástúrlerin myǵymdatý men nyǵaıtý, iskerlik yntymaqtastyqty ekijaqty jáne kópjaqty deńgeıde tereńdetý úshin birlesken kúsh-jigerimizdi tabandy túrde jumsaı beremiz dep senemin. Qymbatty Nursultan Ábishuly! Men bizdiń jeke qatynastarymyzdy joǵary baǵa­laımyn jáne Sizben kezdesken, áńgimelesken, pikir alysqan kezderimdi erekshe ásermen eske alamyn. Osynaý tamasha kúnde Sizge jáne Sizdiń otba­sy­ńyz­ǵa myqty densaýlyq, baqyt, sondaı-aq Qazaq­stannyń dostas halqynyń ıgiligi jolyndaǵy qyz­metińizge tabys tileımin. *  *  * Vıktor IаNÝKOVICh, Ýkraına Prezıdenti: – Qurmetti Nursultan Ábishuly! Qazaqstannyń áleýmettik-ekonomıkalyq jáne saıası reformalardy júzege asyrýdaǵy tabystary, bıik halyqaralyq bedeli, Sizdiń kópultty memle­ketińizdegi beıbit ómir men turaqtylyq Sizdi jalpyhalyqtyq Lıder deńgeıine oryndy kóterdi. Baı ekonomıkalyq áleýet jáne álemdik qoǵam­das­tyqtaǵy belsendi ustanym qurmet sezimin týǵyzady jáne Qazaqstan Respýblıkasymen ózara tıimdi yntymaqtastyqty tereńdetý men keńeıtýge yqylasty arttyrady. Sizdiń bıylǵy jyly Kıevke jasaıtyn saparyńyz Ýk­raına-Qazaqstan qatynastarynyń barlyq sala­larda odan ári damýyna qýatty serpin beredi dep senemin. Qurmetti Nursultan Ábishuly, Sizge baqyt, myqty densaýlyq, amandyq-saýlyq jáne Sizdiń baýyrlas Qazaqstan halqynyń ıgiligi jolyndaǵy jaýapty memlekettik qyzmetińizge tyń tabystar tileımin. *  *  * Aleksandr LÝKAShENKO, Belarýs Prezıdenti: – Qurmetti Nursultan Ábishuly! Sizdiń tamasha mereıtoıyńyzǵa oraı júrekten shyqqan quttyqtaýymdy qabyl alyńyz. Qýatty da gúldengen Qazaqstan ornatýǵa baǵyt­talǵan Sizdiń sanqyrly qyzmetińiz qandaı bıik qurmetke de laıyq. Qazaqstandy Ortalyq Azııadaǵy basym stra­te­gııalyq áriptes retinde qarastyra otyryp, Belarýs eki eldiń qatynastaryn jańa mazmunmen tolyqt­y­rýdy, olarǵa serpindi sıpat berýdi jaqtaıdy. Saıası únqatysýdy odan ári nyǵaıtý, belsendi úki­metaralyq ózara is-qımyl, óńiraralyq baı­lanys­tardy keńeıtý bizdiń elderimizdiń arasyndaǵy yntymaqtastyqtyń asa qýatty áleýetin jan-jaqty júzege asyrýǵa septesedi dep senemin. Qurmetti Nursultan Ábishuly, Sizge jan-júregim­nen myqty densaýlyq, amandyq-saýlyq jáne joǵary memlekettik qyzmetińizde tabys tileımin. *  *  * Gýrbangýly BERDYMÝHAMEDOV, Túrkimenstan Prezıdenti: – Qurmetti Nursultan Ábishuly, Sizdiń jetpis jyldyq mereıtoıyńyzǵa baı­lanysty meniń shynaıy quttyqtaýym men Sizge jáne Sizdiń otbasyńyzǵa myqty densaýlyq, baqyt jáne bereke tilegen eń izgi tilekterimdi qabyl alyńyz. Sizge, qurmetti Nursultan Ábishuly, árdaıym myqty densaýlyqta jáne ómirlik qýatyńyz ben kúsh-jigerińiz tolymdy kúıde bolýdy, jeke basyńyzǵa baqyt, sondaı-aq týysqan Qazaqstan halqynyń ıgiligi jolyndaǵy Sizdiń barlyq bastamalaryńyz ben umtylystaryńyzǵa jańa tabystar tileımin. *  *  * Vaslav KLAÝS, Cheh Respýblıkasynyń Prezıdenti: – Qurmetti Prezıdent myrza! Sizdiń mereıtoıyńyzǵa oraı Sizge myqty den­saýlyq, mol tabys jáne jeke ómirińizde tynyshtyq tileýge ruqsat etińiz. Cheh Respýblıkasy men Qazaqstan arasyndaǵy dás­túrli jaqsy qatynastar, geografııalyq alshaqtyqqa qaramastan, oıdaǵydaı damyp keledi, men ol qaty­nas­tar bizdiń memleketterimizdiń barlyq deńgeıdegi jáne barlyq salalardaǵy yntymaqtastyǵyna negizdelgenine qýanyshtymyn. Qurmetti Prezıdent myrza, Sizge mereıtoıyńyzǵa baılanysty bar jaqsy tilegimdi taǵy da aıtýǵa ruqsat etińiz. *  *  * Ýılıam KLINTON men Djordj BÝSh: – Qurmetti Prezıdent myrza! Sizdiń mereıtoıyńyzdyń 2010 jylǵy 6 shildede atalyp ótýine baılanysty bizdiń júrekten shyqqan quttyqtaýymyzdy jáne eń ıgi tilekterimizdi jetkizemiz. Táýelsiz Qazaqstannyń lıderi retinde Siz óz eli­ńizdiń tolyqqandy demokratııaǵa jáne órkendi ekonomıkaǵa ulasýynyń negizin qaladyńyz. Biz Qurama Shtattar men Qazaqstan Respýb­lı­ka­synyń arasyndaǵy Strategııalyq áriptestiktiń odan ári damýyn taǵatsyzdana kútemiz jáne Sizge, Qazaq­stan halqyna odan ári ilgerileý men ońdy ózgerister tileımiz. *  *  * Petr STOIаNOV, Bolgarııa Respýblıkasynyń eks-prezıdenti: – Qurmetti Prezıdent myrza! Sizdiń mereıtoıyńyzǵa baılanysty ózimniń eń shynaıy quttyqtaýym men eń ıgi tilegimdi qabyl alyńyz! Men Sizdiń óz mereıtoıyńyzdy Sizdiń elińizdiń damýyndaǵy aıryqsha mańyzdy kezeńde, Qazaqstan táýelsiz memleket bolyp qana qoımaı, óz táýelsizdigin nyǵaıtýda, qoǵamdy, memlekettik apparatty, ekono­mı­ka men qarjyny jalpy qamtyǵan reformada tama­sha tabystarǵa jetken kezeńde, Qazaqstan Eýropadaǵy Qaýipsizdik pen yntymaqtastyq uıymyna tóraǵa bolǵan jyly atap otyrǵanyńyzǵa óte qýanyshtymyn. Osynyń bári Sizdiń qajyrly da kóregen jetek­shiligińizben Qazaqstan Respýblıkasy óńirlik aýqymda ǵana emes, álemdik deńgeıde de mańyzdy strate­gııa­lyq, ekonomıkalyq jáne syrtqy saıası áriptes re­tinde ornyqqanynyń daýsyz dáleli bolyp tabylady. Búginde Sizdiń memleketińiz óz tarıhynyń atymen jańa betin jazyp jatqany kúmánsiz, bul tarıhty Sizdiń jeke ózińiz jáne Qazaqstannyń bolashaq urpaqtary oryndy túrde maqtanysh etetin bolady. Sizdiń tamasha elińizdiń baıaǵy dosy retinde men Qazaqstan óz táýelsizdigine qol jetkizetin, Siz jańa táýelsiz memlekettiń Tuńǵysh Prezıdenti bolyp saılanatyn 1991 jyldy esimde jaqsy saqtaǵanmyn. Biz Bolgarııada Sizdiń eldegi túbegeıli áleýmettik-ekonomıkalyq reformalardy jáne jeke menshik pen erkin básekelestikke negizdelgen erkin naryqtyq ekonomıkany qalyptastyrýdaǵy alǵashqy qadamdardy aıryqsha yqylaspen qadaǵalap otyrdyq. Bizdiń ekeý­ara áńgimelerimiz ben Sizben kezdesýlerimdi razy­lyq­pen eske alamyn, olarda biz tájirıbe bólisetinbiz, qı­yn­dyqtardy eńserýdiń joldaryn izdestiretinbiz, ortaq soqpaqpen júrip kele jatqan eki memlekettiń kúmán­siz tabystaryna qýanatynbyz. 1998-1999 jyldardaǵy álemdik qarjy daǵdarysynyń saldarlary artta qaldy. “Qazaqstan-2030” Strategııasyna negiz bolyp qalanǵan Sizdiń sarabdal makroekonomıkalyq jáne áleýmettik saıasatyńyz daǵdarysty eńserýge múmkindik berip qana qoıǵan joq, sonymen birge ekonomıkalyq turaqtylyqty qamtamasyz etýge, qolaıly ınves­tısııa­lyq ahýal jasaýǵa, tabysty áleýmettik reforma júrgizýge, halyqtyń ál-aýqatyn udaıy arttyrýǵa jáne eldiń halyqaralyq arenadaǵy bedelin dáıim nyǵaıtýǵa negiz qalady. Sizdiń erik-jigerińiz jáne tabandy sheshimtal­dy­ǵyńyz bolmasa, Qazaqstan Respýblıkasynyń búgingi órleý damýy, sondaı-aq Ortalyq Azııa óńirindegi beıbit ómir men tynyshtyq ta bolmas edi dep senemin. Sondyqtan da maǵan Sizge bárinen buryn myqty densaýlyq pen baqyt, memleketti basqarýda jańa tabystar men sáttilikter, Sizdiń halqyńyzǵa odan ári ilgerileý men órkendeý tileýge ruqsat etińiz! Týǵan kúnińiz qutty bolsyn, qurmetti Prezıdent myrza! *  *  * Arnold RIýITEL, Estonııanyń eks-prezıdenti: – Joǵary Mártebelim! Osy múmkindikti paıdalanyp, Sizdi mereıtoıy­ńyzben shyn júrekten quttyqtaýǵa jáne Sizge baıandy baqyt pen myqty densaýlyq tilegen eń shynaıy tilekterimdi jetkizýge ruqsat etińiz! Joǵary Mártebelim, Sizdiń otbasyńyzǵa, týǵan-týys­qandaryńyzǵa, sondaı-aq Qazaqstan Respýb­lı­ka­synyń halqyna osynaý merekeli kúnde ózimniń eń shy­naıy quttyqtaýymdy qabyl alyńyz. Meniń qym­batty dosym, Sizge jáne Sizdiń elińizdiń halqyna aýqym­dy órkendeý, halyqaralyq deńgeıde tanylǵan lıder jáne tamasha memlekettik qaıratker retinde Siz ózińizge jáne Sizdiń halqyńyzǵa belgilegen barlyq ma­ńyzdy maqsattaryńyzdyń oryndalýyn tilegim keledi. Sizdiń halyqaralyq qyzmette sońǵy jyldardaǵy tabysyńyzdy atap aıtýdy ózime baqyt kóremin. Sizdiń ómirdiń barlyq salalarynda demokratııalyq reformalardy júzege asyrý jónindegi aýqymdy jumysyńyz Qazaqstannyń aldyńǵy qatarly ultqa jáne búkil Eýrazııalyq óńirde eń osy zamanǵy qoǵamǵa aınalýyna baǵyttalǵan. Meniń Qazaqstanǵa 2008 jyldyń sáýir aıynda jasaǵan saparym kezinde bizdiń jan tolqytarlyq kezdesýimdi ystyq yqylaspen eske alamyn. Bizdiń áńgimemiz Sizdiń maqsatkerlik qyz­metińizdi jáne Sizdiń ilgerishil jáne qýatty jetek­shiligińizben Qazaqstanda bolyp jatqan mańyzdy oqıǵalardaǵy ilgerileýshilikti kórsetip berdi. Meniń qymbatty dosym, Sizge ózińiz Qazaqstanǵa taıaý bola­shaqta mejelegen mańyzdy strategııalyq sheshimderdi júzege asyrýda uzaq jyldar boıyna jetetindeı myzǵymas qýat tileýge ruqsat etińiz. *  *  * Gelmýt KOL, GFR eks-kansleri: – Asa qurmetti Prezıdent myrza! Sizdi shyn júrekten mereıtoıyńyzben quttyq­taımyn. Sizdiń jeke basyńyzǵa baqyt, bárinen buryn densaýlyq jáne Qudaıdyń qaıyrymdylyǵyn, al Sizdiń elińizge – beıbitshilik jáne turaqtylyq pen órkendilik jolynda odan ári tabystar tileımin. О́z quttyqtaýymdy budan birer apta buryn meniń 80 jyldyǵyma baılanysty Sizdiń quttyqtaýyńyzǵa degen shynaıy alǵysymmen baılanystyramyn. Sizdiń jyly sózderińiz úshin men óte razymyn. *  *  * Gerhard ShREDER, GFR eks-kansleri: – Asa qurmetti Prezıdent myrza! Sizdi shyn júrekten mereıtoıyńyzben quttyqtaımyn. Quttyqtaýymdy men bizdiń burynǵy jyldardaǵy tamasha yntymaqtastyǵymyz ben bizdiń elderimizdiń ara­syndaǵy qatynastardy tereńdetýge Siz qosqan zor úles­ke degen razylyǵymmen qýana-qýana baıla­nystyramyn. Qazaqstan óz táýelsizdigin alǵan sátten bastap jań­ǵyrtý jolynda eleýli progreske qol jetkizdi. Bú­ginde Qazaqstan búkil álem moıyndaǵan, ashyq ta ór­kendi el bolyp tabylady. Bul tabys Sizdiń kóre­gen­digińizsiz, tabandylyǵyńyz ben saıası kúsh-jigerińizsiz múmkin bolmas edi. Sizge barlyq jaqsy ataýlyny, baqyt jáne densaýlyq tileımin. *  *  * Gans-Dıtrıh GENShER: – Asa qurmetti Prezıdent myrza! Mereıtoıyńyzǵa baılanysty Sizge meniń shyna­ıy quttyqtaýymdy joldaımyn. Sizge eldiń bola­sha­ǵyn laıyqty qalyptastyrýdy jalǵastyrý úshin myqty densaýlyq tileımin. Prezıdent myrza, Siz óz elińizge kórshi eldermen úılesimde táýelsizdikke jol ashtyńyz. Siz bul táýelsizdikti el azamattaryna jańa, baqytty bolashaq ashý úshin paıdalandyńyz. Búgingi osy zamanǵy Qa­zaqstan Sizdiń eńbegińizdiń nátıjesi bolyp tabylady. Siz muny maqtan etýge tolyq quqylysyz. Bul sondaı-aq tarıhtaǵy Sizdiń izińizdi sıpat­taı­dy. Tarıhtaǵy Sizdiń beıneńiz qolyńyzda bar atom qa­rýynan bas tartyp, beıbitshiliktiń memlekettik qaırat­kerine aınalǵanyńyzdy eske salyp turady. Bul ustanym ónege bolyp tabylady jáne úlgi alýǵa laıyqty. Sondaı-aq Sizdiń kóptegen salalarda halyqaralyq yntymaqtastyqtaǵy belsendiligińiz ónege bolyp tabylady, munyń ózi EQYU tóraǵalyǵyn 2010 jyly Qazaqstanǵa berýden óz kórinisin tapty. Prezıdent myrza, Sizben jeke baılanystarymdy beıbit te ádil álemdik tártiptiń ıgiligi jolyndaǵy meniń jumysymnyń oń tájirıbesine jatqyzamyn. *  *  * Frans VRANISKII, Avstrııa Respýblıkasynyń eks-kansleri: – Qurmetti Prezıdent myrza! Sizdiń 70 jyldyǵyńyzǵa baılanysty Sizge degen me­niń eń ystyq quttyqtaýymdy bildirýge ruqsat eti­ńiz. Budan bylaıǵy jerde de Sizge myqty densaýlyq jáne sizdiń ulan-baıtaq elińizdi basqarýdaǵy aıtýly tabystar serik bolsyn. Qazaqstan Sizdiń asa kórnekti týǵan datańyzdyń jylynda EQYU-ǵa tóraǵalyq etip, tanymal jáne joǵary qurmetke ıe bolyp, sol arqyly Qazaqstannyń halyqaralyq qoǵamdastyqtaǵy rólin nyǵaıtyp otyrǵany jaǵdaıdyń qolaıly qalyptasýy. Sizdi qaıtalap quttyqtaýǵa jáne Qa­zaqstan men Avstrııanyń arasyndaǵy sekildi Qazaq­stan men halyqaralyq qoǵamdastyqtyń arasyndaǵy da tabysty yntymaqtastyq tileýge ruqsat etińiz. *  *  * Otanymyzdyń elordasy – Astana kúnine jáne Qa­zaqstan Respýblıkasynyń Prezıdenti Nursultan Ábish­uly Nazarbaevtyń mereıtoıyna oraı Memleket bas­shy­synyń atyna Qazaqstannyń azamattary men uıym­da­rynan kóptegen quttyqtaý korrespondensııalar kelip túsýde. Hattar men jedelhattardyń avtorlary – óńir­lerdiń, oblystyq memlekettik mekemeler men qoǵam­dyq uıymdardyń basshylary, soǵys jáne eńbek ardagerleri, shyǵarmashylyq ıntellıgensııanyń, eńbek ujymdarynyń ókilderi, áleýmettik sala qyzmetkerleri, oqýshy jastar. “Ardagerler memlekettiń moraldyq jáne mate­rıaldyq qoldaýyn sezinip otyr. Uly Otan soǵysyna qatysýshylar járdemaqylar, turǵyn úı aldy. Bul úshin Sizge, Nursultan Ábishuly, zor rahmet. Shyn jú­rekten Astana kúnimen jáne Sizdiń, Nursultan Ábish­uly, týǵan kúnińizben quttyqtaımyz. Barsha qazaq­stan­dyqtarǵa tabysty damý, bereke men baqyt, al Siz­ge, Nursultan Ábishuly, densaýlyq, uzaq ǵumyr, bizdiń ortaq úıimiz – Qazaqstan Respýblıkasynyń ıgiligi men órkendeýi jolynda budan bylaı da ta­bys­tar ti­leı­miz”, – dep jazady óz arnaýynda О́skemen qa­lalyq ardagerler uıymy keńesiniń tóraǵasy I.Skvorsov. Prezıdenttiń atyna quttyqtaý arnaý respýblı­kalyq Ardagerler keńesiniń tóraǵasy Qaıyrbek Sú­leımenovten kelip tústi. Prezıdenttiń atyna Almaty oblysynyń Aqsý aýdanynan kelgen quttyqtaý jedel­hatqa Qyzylaǵash aýylynyń turǵyny Madınazır Rahmetov, aýyldyq Aqsaqaldar keńesiniń jetekshisi Saılaý Aldabergenov, Aqsý aýdany Ardagerler keńesiniń múshesi Dmıtrıı Iаrkovskıı, kópbalaly ana Nesipjamal Alshynbaeva jáne aýdannyń basqa da turǵyndary qol qoıypty. Memleket basshysynyń poshtasynda qazaq PEN-klýbynyń músheleri Ábdijámil Nurpeıisovten, She­rııazdan Eleýkenovten, Gerold Belgerden, Anatolıı Kımnen, Dýlat Isabekovten, Smaǵul Elýbaıdan, Bıgeldın Ǵabdýllınnen kelgen quttyqtaýlar bar. Memleket basshysyn quttyqtaýshylar qatarynda Qazaqstan Jazýshylar odaǵynyń tóraǵasy Nurlan Orazalın men jazýshy Ivan Shegolıhın de bar. “Halyqtar arasyndaǵy dostyqty damytyp, Qazaqstan halqy Assambleıasyn quryp, Siz búkil kópultty halyqty bir úlken otbasyna biriktirdińiz”, – delingen Tájik etnomádenı birlestiginiń tóraǵasy Mahkam Orıfovtiń jedelhatynda. Shyǵys Qazaqstan oblysynan oblystyq jáne aýdandyq máslıhattardyń depýtattary, medısınalyq mekemelerdiń ujymdary, óńirdiń qatardaǵy turǵyn­dary ujymdyq jedelhat joldapty. Qostanaıdyń turǵyny Oraz Balqaıuly jyr-tolǵaý túrindegi hat jiberipti. Jedelhattar avtorlarynyń arasynda Oral jáne Gýrev dindarlarynyń arhıepıskopy Antonıı jáne Oral eparhııasynyń dindarlary bar. Astana kúnine jáne Prezıdenttiń mereıtoıyna baı­lanysty quttyqtaýlar Shyǵys Qazaqstan obly­synyń bilim berý jáne balalardy qorǵaý júıesiniń tutas toptarynan kelip tústi. “Sizdiń kóregendigińiz ben kúshti saıası erik-ji­ge­rińizdiń arqasynda turǵyzylǵan Astana qazaq­stan­dyqtar úshin eldiń ilgeri ozýynyń bastapqy núktesine aınaldy. Ekonomıkadaǵy joǵary kórsetkishterge qol jetkizýdiń, halyqtyń ál-aýqatyn arttyrý men bilim berýdi damytýdyń sımvolyna aınaldy”, – delingen KSRO Memlekettik syılyǵynyń laýreaty, Qazaqstan Respýblıkasynyń eńbek sińirgen muǵalimi Qanıpa Bi­ti­baeva, Qazaqstan Respýblıkasynyń qurmetti muǵa­limi Lıýdmıla Lıtovchenko, jetim balalar men ata-anala­rynyń qaraýynsyz qalǵan balalar úshin bilim be­rýdi uıymdastyrý jetekshileri respýblıkalar keńe­siniń tóraıymy Maıra Bıseqanova qol qoıǵan quttyqtaýda. О́z quttyqtaýlaryn sondaı-aq Qostanaı oblysynyń pedagogtary, Ońtústik Qazaqstan oblysynyń Tólebı aýdanyndaǵy aýrýhananyń dárigeri Abdolla Ospanqulov joldapty. “Nursultan Ábishuly, Siz – bizdiń aqylman da ádil kóshbasshymyzsyz. Barlyq analardyń atynan bizge degen sezimtal­dy­ǵyńyz ben qamqorlyǵyńyz úshin Sizge alǵys aıtamyz. Siz kóptegen biregeı osy zamanǵy aýrýhanalar, analar men balalardyń úlken de jaryq ortalyǵyn, Astanada Balalardyń nárlendirý ortalyǵyn qurdyńyz. Bul úshin Sizge zor rahmet, Sizdiń úıińizde árdaıym izgilik pen kelisim saltanat quryp, Sizge árkez sáttilik serik bolsyn”, – delingen kópbalaly ana Márzııa Beısenbekovanyń jedelhatynda. Nursultan Nazarbaevty kópbalaly ana Baqyt Seıilhanova da quttyqtapty. Prezıdent poshtasynda qazaqstandyq jastardan kelgen jedelhattar óte kóp. “Biz óz Otanymyz – Qazaqstandy súıemiz. Biz ony maqtan etemiz – bul armandar oryndalatyn, Siz – bizdiń Prezıdentimiz sekildi eńbek etip, halqyna qyzmet kórsetýge daıyn árkimdi baqyt kútetin el. Siz – jarqyn da tańǵajaıyp adamsyz. Osy za­manǵy eń talantty memlekettik qaıratkerlerdiń biri bolyp tabylasyz”, – dep jazady “Jas dáýren” qaý­ym­dastyǵy músheleriniń atynan Pavlodar obly­syndaǵy balalar úıleriniń tárbıelenýshileri Qanat jáne Talǵat Qaıdarovtar, Islam Qazyqov, Damır Mıhaılov, Jenıa Bondarenko jáne Lıýba Kadyk. Astana qalasy mektepteriniń tárbıelenýshileri, О́s­kemen orta mektepteriniń túlekteri Nurlan Qa­napın men Nadejda Mokrınskaıadan, Soltústik Qa­zaqstan ýnıversıtetiniń stýdenti Elena Kosenkodan, sondaı-aq “Bolashaq” baǵdarlamasynyń tárbıe­le­ný­shileri Aqerke Abylaıhannan, Aıman Dastannan, Aı­man Qashkeıden, Álibek Qýantyrovtan, Botagóz Qaz­bekovadan, Dastan Aspannan, Dına Ahmetovadan, Ma­dııar Qojahmetten, Erik Qarabaevtan jáne Kámshat Narbotaevadan hattar men jedelhattar kelip tústi. Búkil sport qaýymdastyǵynyń atynan Prezıdent­ti qysqy Olımpıadalyq oıyndardyń kúmis medalısi Elena Hrýstaleva, aýyr atletıkadan álem chempıon­dary Svetlana Podobedova, Maııa Maneza, Zýlfııa Chınshanlo jáne Vladımır Sedov quttyqtapty. Quttyqtaý avtorlarynyń arasynda múldem jas qazaqstandyqtar da bar. “Men, О́skemen qalasyndaǵy mektepke deıingi balalar úıiniń tárbıelenýshisi Áıgerim Turǵanbaeva, eń shynaıy qýanysh pen baqyt sezimine bólenip otyrmyn. Men jýyrda ǵana “Qazaqstannyń kish­ken­taı arýy-2010” ataǵyn aldym. Sizdiń mereıtoı kúni­ńiz­de eń izgi tilekterdiń oryndalýyna degen óz senimim­di jáne balalarǵa degen qamqorlyǵyńyz úshin alǵysymdy bildirgim keledi. Bizdiń erkin elimizde ǵana balalarǵa barlyq joldar ashyq, tek oqý jáne arman men jarqyn bolashaqqa degen senim kerek. Sizge baqyt, densaýlyq, týǵan Qazaqstanymyzdyń dańqy asýy men órkendeýi jolynda jańa jetistikterge jetý úshin shyǵarmashylyq shabyt tileımin”, – dep jazady “Qazaqstannyń kishkentaı arýy-2010”. *  *  * Memleket basshysynyń atyna quttyqtaǵan hattar men jedelhattar Qazaqstannyń azamattary men uıymdarynan ǵana emes, sonymen birge shet elderden de túsip jatyr. Reseı Federasııasynan kelip túsken hat-habarlar aıryqsha mol. Qazaqstan Prezıdentiniń atyna RF Memlekettik Dýmasynyń tóraǵasy Borıs Gryzlovtan quttyqtaý kelip tústi. “Sizdiń ishki saıası jáne halyqaralyq qyzmettegi baı tájirıbeńiz, óz halqyńyzdyń taǵdyry úshin tikeleı jaýapkershilikti sezinýińiz bolashaqta da bizdiń elderimizdiń arasyndaǵy qatynastar serpindi damı­tynyna, al Qazaqstan halqy budan da zor bıikterge jetetinine senim uıalatady”, – delingen hatta. Ár kezderi Qazaqstanda jaýapty partııa, keńes jáne sharýashylyq qyzmetterde eńbek etken Reseı azamattarynan ujymdyq hat keldi. Olardyń qata­rynda Aleksandr Korkın, Valentın Mesıas, Dmıtrıı Iаzov, Oleg Mıroshhın, Nıkolaı Davydov, Nıkolaı Morozov, barlyǵy 22 adam bar. Olar bylaı dep jazady: “Máskeýdiń ardager qazaqstandyqtary Sizdi mereıtoıyńyzben – 70-shi týǵan kúnińizben shyn júrekten quttyqtaıdy! Biz Sizdi ózin tutastaı eline, onyń keremet halqynyń taǵdyryna arnaǵan kóregen, aqylman saıasatshy, sonymen qatar azamattyq qadiriniń joǵary deńgeıin saqtaǵan, úlken júrekti jáne keremet tartymdy adam retinde bilemiz. Siz búginde osy zamanǵy álemniń eń bedeldi saıasatshylarynyń birisiz. Sizdiń memleket qurýdaǵy asa baı praktıkańyz, saıası jáne uıymdyq qyzmettegi asa kórnekti tájirıbeńiz Siz Qazaqstan Respýblıkasy úshin jasaǵannyń bári tarıhtyń ıgiligine, materıaldyq jáne rýhanı negizge aınalatynyna sendiredi”. Memleketaralyq avıasııa komıtetiniń tóraıymy Tatıana Adonına bylaı dep jazady: “Kóptegen jyldar boıy Siz Qazaqstan Respýb­lı­kasynyń barsha tanyǵan lıderi ǵana emes, sonymen bir­ge oryndy túrde álemdik saıasattyń eń jarqyn tul­ǵa­sy da bolyp tabylasyz, Sizdiń pikirińiz ben usta­ny­myńyz talaı ret asa mańyzdy óńirlik jáne jahan­dyq problemalardy sheshýde aıqyndaýshy boldy”. Prezıdent poshtasynda Reseı Federasııasy óńirleri basshylarynan da hattar bar. Máskeý oblysynyń gýbernatory Borıs Gromov bylaı dep jazady: “Reseı Federasııasymen dostyq baılanystardy nyǵaıtýǵa baǵyttalǵan Sizdiń turaqty kúsh-jigerińizdi joǵary baǵalaımyz, munyń ózi kóp rette bizdiń halyqtarymyzdyń múddesi úshin Máskeý oblysy men týysqan Qazaqstan arasyndaǵy jan-jaqty ózara tıimdi yntymaqtastyqty damytýǵa jáne tereńdetýge járdemdesedi”. “Memleket aldyndaǵy Sizdiń sińirgen eńbegińizdiń búkilhalyqtyq moıyndalýynyń jarqyn úlgisi Qazaqstan Parlamentiniń Sizge joǵary mártebe – Elbasy ataǵyn berý týraly sheshimi boldy”, – delingen Omby oblysynyń gýbernatory Leonıd Polejaevtyń quttyqtaýynda. Nursultan Nazarbaevty KSRO ushqysh-ǵaryshkeri, Keńes Odaǵynyń Batyry Aleksandr Vıktorenko da quttyqtapty. “Men osynda, Juldyzdy qalashyqta bir sátke de qazaqstandyq bolýymdy toqtatqan emespin. Qazaqtarda Otannyń qasıetti túsinigi bar – ol qaı jerde týsań sonda bolady, meniń kindik qanym Soltústik Qazaqstan oblysynyń Olgınka selosynda tamǵan. Qazaqstannyń ár qadamyn muqııat qadaǵalap otyramyn. Meniń Otanymnyń tabystaryn maqtanysh etemin jáne qýanamyn, Sizdi maqtan tutamyn! Sizge myqty densaýlyq, uzaq ǵumyr, jeke ba­syńyzǵa baqyt jáne Qazaqstanǵa órkendilik tileımin. Parlamenttiń Elbasy mártebesin zańdyq turǵyda bekitý týraly sheshimine shyn júrekten qoldaý bildiremin. Halyqtyń arasynda – Siz áldeqashannan bizdiń kóshbasshymyzsyz”, – delingen onyń jedelhatynda. Memleket basshysynyń atyna Omby oblysynan eki hat kelip tústi. Omby oblysy Aqsaqaldar keńesiniń tóraǵasy G.Ahmetov Omby qalasy men Omby oblysy musyl­mandar qaýymdastyǵynyń barsha ókilderi ózderiniń tarıhı otanynyń ekonomıkalyq, saıası jáne mádenı damýyn zor múddelilikpen qadaǵalap otyrǵanyn habarlaıdy. Álemdik qoǵamdastyqtaǵy óskeleń bedelin maqtan etedi. Omby oblysynyń zań shyǵarýshy jınalysynyń depýtaty, “Omskneftehımproekt” AAQ-tyń bas dı­rek­tory Igor Zýga Nursultan Ábishuly Nazar­baev­t­yń esimimen Qazaqstan Respýblıkasynyń eń jańa tarıhy ajyraǵysyz baılanysta ekenin jazady: “Respýblıkanyń myńjyldyqtar toǵysyndaǵy ekonomıkalyq, áleýmettik jáne mádenı áleýetin saqtap, molyqtyrýǵa Siz qosqan úlesti aıtyp jetkizý múmkin emes. Búgingi Qazaqstan – serpindi damyp otyr­ǵan memleket, óziniń baı ekonomıkalyq jáne ada­mı áleýetin órkendilikpen jáne jaýaptylyqpen iske asyrýda, mundaǵy bolashaqqa umtylýshylyq ata-babalar dástúrine adaldyqpen, óshpeıtin rýhanı qundylyqtardy órkendetýmen úılesimdi túrde baılanysqan. Osynyń bári kóp rette Sizdiń shynaıy memle­ket­tik qaıratkerge tán tamasha qasıetterińizdiń – Sizdiń maqsatkerligińizdiń, jaýaptylyǵyńyzdyń, dana­ly­ǵy­ńyz ben kóregendigińizdiń arqasynda múmkin boldy”. Memleket basshysyn ánshi Dıana Gýrskaıa da quttyqtapty. “Uly qazaq halqy álemdik tarıhta Sizdiń ákelik qamqorlyǵyńyzben bolmasa, eshqashan osyndaılyq tańǵajaıyp nátıjelerge qol jetkizbes edi. Ǵasyrlar danalyǵy, bilim men tájirıbe Sizge táýelsiz de kúshti Qazaqstan qurýǵa múmkindik berdi, ol búkilazııalyq jáne eýropalyq kórshilerińizdiń tańdanysyn týǵyzýda”, – delingen ánshi arnaýynda.