Ekonomıka • 24 Qarasha, 2025

Qoımaǵa 40 mln tonna mal azyǵy jınaldy

30 ret

kórsetildi

1 mın

oqý úshin

Elimizde mal azyǵyn daıyndaý naýqany aıaqtaldy. Jergilikti atqarýshy organdardyń málimetinshe, óńirler 25 mln tonna shóp (jospardyń 103,1%), 1,9 mln tonna senaj (113,3%), 5,4 mln tonna quramajem (98,4%), 2,1 mln tonna sılos (107,3%), 4,9 mln tonna saban (106,6%) jınaǵan, dep habarlaıdy Egemen.kz.

Shyńǵys MUQAEV

Foto: Aýyl sharýashylyǵy mınıstrligi

Jalpy el boıynsha barlyq túrlerin qosa eseptegende ázirlengen 39,8 mln tonna mal azyǵy – maldardy qys mezgilinde ustaý turǵysynda jetkilikti.

Aýyl sharýashylyǵy mınıstrliginiń málimetinshe, birqatar oblystar naýqandy joǵary deńgeıde ótkizip, jospardy aıtarlyqtaı artyǵymen oryndaǵan: Soltústik Qazaqstan (147,1%), Shyǵys Qazaqstan (116,0%), Almaty (105,6%), Jetisý (104,5%), Aqtóbe (103,2%), Qyzylorda (102,3%), Ulytaý (102,4%) oblystary bar.

Senaj daıyndaý boıynsha Soltústik Qazaqstan (163,5%), Jambyl (114,6%), Qostanaı (108,0%), Almaty (107,5%), Pavlodar (105,0%), Túrkistan (106,2%), Jetisý (105,1%) oblystary joǵary kórsetkishke qol jetkizdi.

Mal azyǵy qazirgi deńgeıde elimizdiń mal sharýashylyǵy sektorynyń qajettiligin tolyq qamtamasyz etedi. Iаǵnı, 2025-2026 jyldarǵa qysqy maýsymda maldy qystatýdy ońtaıly ótkerýge, jemshóp tapshylyǵy táýekelderin barynsha tómendetýge múmkindik beredi.