Foto: Astana ákimdigi
Aıaldamada túngi ýaqytta shý shyǵarǵan úsh jas jigit ustaldy. Olardyń biri ekinshisin ıterip jiberip, ol qulap bara jatyp pavılonnyń shyny esigin syndyrǵan. Sol jerge dereý jetken polıseıler aıaldama mańyndaǵy aýlalardyń birinen kúdiktilerdi taýyp, bólimshege jetkizgen.
Qala ákimdiginiń málimetinshe, sot sheshimimen olardyń ekeýi bótenniń múlkin búldirgeni úshin ákimshilik jaýapkershilikke tartylyp, árqaısysy on táýlikke qamaýǵa alyndy. Úshinshi vandal túngi ýaqytta tynyshtyqty buzǵany úshin jaýapqa tartyldy.
Elordada «Zań jáne tártip» qaǵıdaty sheńberinde vandalızmniń barlyq túrine jáne qoǵamdyq tártipti buzýshylyqqa qarsy júıeli kúres jalǵasyp jatyr.
