Oblystyq tótenshe jaǵdaılar departamentiniń basqarma bastyǵy Baǵdat Abdýllınniń aıtýynsha, órttiń tutanýynyń eki sebebi anyqtalǵan. Onyń biri – elektr symynyń qysqa tuıyqtalýy, al ekinshisi – peshti durys paıdalanbaý.
«Bıyl departament mamandary áleýmettik turmysy tómen toptaǵy otbasylar turatyn 1700-ge jýyq turǵyn úıge baryp, qaýipsizdikti saqtaý jóninde túsindirý jumysyn júrgizildi. Turǵyn úılerge qaýipsizdik maqsatynda 200 gaz, 136 tútin dabylqaqqyshy ornatylyp jatyr», dedi Baǵdat Abdýllın.
Onyń deregine súıensek, jyl basynan beri tabıǵı gazdan ýlanýǵa baılanysty 5 derek tirkelgen.
«Jylytý maýsymynda peshter men murjalardy ýaqytynda tazalaý qajet. Elektr quraldaryn shamadan tys paıdalanbaǵan jón», dep málim etti Baǵdat Abdýllın.
