Moody’s bergen bul baǵalar «Otbasy banktiń» turaqty, senimdi jáne jaýapkershiligi joǵary qarjy ınstıtýty ekenin kórsetedi. Búginde bank aktıvter kólemi boıynsha eldegi ekinshi deńgeıli bankter ishinde 4-orynda, al menshikti kapıtal boıynsha 5-orynda tur. Bıyl bank ónimderiniń arqasynda 62 363 otbasy baspanaly bolyp, qonys toıyn atap ótti.
Taǵy biraz azamat úshin mundaı ıgilikke qol jetkizý múmkindigi áli de bar. «Otbasy bank» qazirgi ýaqytta «Naýryz» baǵdarlamasy boıynsha ótinimder qabyldap jatyr. О́tinim qabyldaý 2025 jyldyń 1 jeltoqsanyna deıin jalǵasady. Osy kezeń aıaqtalǵan soń qatysýshylar pýldary qalyptasyp, odan ári kredıttik ótinimderdi qabyldaý, turǵyn úı izdeý jáne qaryz berý kezeńi bastalady. Búginde baǵdarlamaǵa 19 580 ótinim sátti tirkeldi. Onyń ishinde 3 119 ótinim turǵyn úı kezeginde turǵan áleýmettik jaǵynan osal sanattaǵy azamattardan túsken.
«Naýryz» baǵdarlamasyna qatysýshylardyń basym bóligi – 35 jasqa deıingi jastar. Turǵyndardyń eń kóp tańdaıtyn qalalary – Almaty, Astana, Shymkent. Bıyldyń ózinde bul baǵdarlama 7 404 otbasynyń qonys toıyn toılaýyna múmkindik berdi.
Bank turǵyn úı qurylys jınaq júıesi aıasynda qaryz berýdi de belsendi túrde jalǵastyryp keledi. Bul – búginde elimizdiń barlyq óńirindegi kóptegen azamat úshin eń qoljetimdi jáne keńinen qoldanylatyn negizgi quraldardyń biri. Osyndaı turaqty ári júıeli jumystyń nátıjesi banktiń kredıttik portfelinen aıqyn kórinedi. «Otbasy banktiń» úlesi elimizdegi búkil ıpotekalyq portfeldiń 51%-yn quraıdy. Al jalpy kredıttik portfel kólemi 3 885 454 mıllıon teńgege jetti.
Qazir turǵyn úı qurylys jınaq júıesine elimizdiń 3,3 mln azamaty senim artyp otyr.
Jeke tulǵalarǵa bolashaqtaǵy baspanasy úshin qarajat jınaýǵa memleket te qoldaý kórsetedi. Jyl saıyn memleket depozıt somasynyń 20%-yna deıingi syılyqaqyny (maksımaldy 200 AEK) eseptep beredi. 2025 jyly da bul múmkindik saqtalady. Jyl sońyna deıin, ıaǵnı 31 jeltoqsanǵa deıin, depozıtke 786 400 teńge salsańyz, maksımaldy syılyqaqy retinde 157 280 teńge alýǵa bolady.
