Foto: Polisia.kz
Sońǵy kezderi qylmyskerler zańsyz tabystaryn jasyrý úshin krıptovalıýta platformalaryn paıdalanyp sıfrlyq aktıvterge aınaldyrýǵa kóshe bastaǵan.
Osyǵan baılanysty, Ishki ister mınıstriniń tapsyrmasymen «Zań men tártip» qaǵıdatyn júzege asyrý maqsatynda qazan-qarasha aılarynda Taraz, Semeı, Oral, Qaraǵandy qalalarynda oqytý semınarlary ótkizilip, elimizdiń barlyq aımaǵynan 1 500-den astam tergeýshiler, jedel ýákilder, krımınalıster qatysqan.
Polisia.kz saıtynyń habarlaýynsha, semınarlardyń qorytyndylary boıynsha kıberqylmysqa qarsy is-qımyl jumystaryn jetildirýge baǵyttalǵan usynystar ázirlendi.
Jalpy, sońǵy eki jylda ınternet-alaıaqtyqqa qarsy kúres tásiline úıretý semınarlary elimizdiń basqa qalalarynda da ótkizilip, 3 myńnan astam jedel-tergeý qyzmetkeri qamtylǵan.
