ON NYSANNYŃ OŃ QADAMY О́ŃIR О́MIRIN ÁRLENDIRÝGE JOL AShPAQ

Keshe Premer-Mınıstr Ká­rim Másimov jumys babyndaǵy saparmen Aqmola oblysyna keldi. Úkimet basshysy men onyń janyndaǵy resmı adamdar óte tyǵyz kestedegi jumys bary­syn­da mańyzdy on nysanda bolyp, keńeıtilgen tórt keńes ótkizdi.Úkimet basshysynyń óńirler­ge jasaǵan árbir sapary jumys istep turǵan, qurylysy júr­gi­zilip jáne qaıta jaraqtan­dy­rylyp jatqan kásiporyndardyń ju­my­sy­na serpin qosyp, bas­shy­lar men mamandardyń, ujym múshe­leri­niń óz mindetine jańa­sha ek­pin berip, jaýapkershilikti eseleı túsetini belgili. Úkimettiń kún­delikti nazar salýy men qoldaýy­nyń arqasynda Aqmola obly­syn­daǵy kókeıkesti másele­ler oń she­shimin tabýda. Osy oraı­da, oblys ákimi Sergeı Dıachen­ko Kókshetaý jáne Step­nogor qalalaryn sýmen qamtý, Shýche-Býrabaı kýrortty aıma­ǵy men Astanamen seriktes Qos­shy kentiniń ınfraquryly­myn jaqsartý, ónerkásip pen agroke­shendi ındýstrııalyq-ın­no­va­sııa­lyq baǵytta damytý, áleý­mettik-ekonomıkalyq jaǵdaıdy jaq­sartýdyń basqa da qadam­dary ıgi qaıtarymyn bergenin baıan­dady. Ústimizdegi jarty jyl­dyq­tyń qorytyndysynda ónerkásip óniminiń kólemi 118,5 paıyzǵa ósti. Aýyl sharýashylyǵyndaǵy jalpy ónim 7 paıyzǵa artyp, 23 mıl­lıard teńgeni qurady. Mal men qus sany aıtarlyqtaı kó­beı­di. Ártaraptandyrý baǵytyn us­tan­ǵan dıqandar qaýymynyń júzi jarqyn. Sergeı Aleksan­dro­vıch negizgi kapıtalǵa ınves­tısııa jumyldyrý 21 paıyzǵa ósip, 35,2 mıllıard teńgege jet­kenin alǵa qoıǵan mindetterdiń abyroımen oryndalatynymen baılanys­tyr­dy. Oblysta turǵyn úı qurylysy 2009 jylmen salystyrǵanda 1,6 esege artyp, jumyssyzdyq 1 paıyzdyq deń­geıge tómendepti. Salyq jáne basqa mindetti túsim­derdiń bol­jamdyq jospary 11 paıyzǵa ulǵaıyp otyr. Qazaq­stan­nyń ındýstrııalyq-ınnova­sııa­lyq damý baǵdarlamasy sheń­berinde 2010 jyly 74,8 mıllıard teńgeniń 9 jobasyn júzege asyrý josparlansa, qazirdiń ózinde mańyzdy 4 joba tolyq aıaq­talǵan. Al, jyl sońyna deıin Aqkól, Egindikól, Astrahan aýdandarynda 15 myń iri qaraǵa arnalǵan bordaqylaý alańy, Kókshetaý qalasy men Aqkól aýdanynda kirpish zaýyttary paıdalanýǵa berilmek. О́ńirlik órleý kóptegen áleýmettik máselelerdiń tıimdi sheshilýine múmkindik jasaıdy. Áıtkenmen, ýaqyt údemeli damýdy talap etip otyr. Pre­mer-Mınıstr jumysymen ta­nys­qan Stepnogor qalasyndaǵy “Qazfosfat – hımııa zaýyty” JShS bıylǵy jyldyń naýry­zy­nan mıneraldy tyńaıtqysh­tar shyǵarýdy toqtatqan. Basty sebep shıkizattyq kúkirt qysh­qylynyń joqtyǵynda bolyp tur. Kárim Qa­jymqanuly bul máseleni shu­ǵyl sheshýge baǵyt­talǵan tapsyr­ma­lar berip, ony arnaıy baqy­laýǵa alýdy es­kertti. Osy qaladaǵy “Qazatomóner­ká­sip” JShS dırektory Keńes Amandosov “Kúkirt qyshqyly zaýytyn qaıta qurý” jobasymen tanystyrdy. Aldaǵy jyldyń ta­myzynda iske qosylatyn kásip­oryn­nyń jyldyq qýaty 180 myń tonna kúkirt qyshqylyn shy­ǵarý­ǵa laıyqtalǵan. Joba­nyń jalpy quny 10 400 mıl­lıon teńge bolsa, onyń 2 200 mıl­lıon teńgesi – kásip­oryn­nyń óz qarjysy. Qazir óner­kásip alańynda jobalaý jumys­tary aıaqtalyp, bazalyq ınjı­nırıng júrgizilgen, sondaı-aq, eski jabdyqtardy bólshekteý to­lyq atqarylypty. Qazaqstanda jasalǵan tehnologııalyq jab­dyq­­tardyń bir bóligi (“Belka­mıt” BK” AQ) óndiris ornyna jet­ki­zildi. Zaýytty belgilengen mer­zim­de iske qosý úshin 8200 mıl­lıon teńge kólemindegi nesıe qarjysyn tartýdy jedeldetý qajet. Bul oraıda “Qazaq­stan­nyń Damý banki” aksıonerlik qoǵamy­men kelisim-shartty tııanaqtaý tapsyryldy. Stepnogor taý-hımııa kombı­na­tyna qarasty “Gıdrometal­lýr­gııalyq zaýyty” JShS bas dı­rek­tory Vıktor Belorýsov kásip­orynnyń jetistikteri men aldaǵy josparlary týraly ha­barlama jasady. Munda byltyr 3299 tonna ýran qospasy men 52 tonna molıbden óndirilgen. Bıylǵy bes aıdyń kórsetkishi de jospardaǵy­dan artyq. “ISO 9001-2008” sapa menedjmentimen jumys isteıtin zaýytta “Zvezd­noe” ken ornynyń shyǵys jaǵa­laýyn zertteý men óńdeý” ınves­tısııalyq jobasy júzege asy­rylýda. Kásiporynnyń jumys barysymen tanysqan Úkimet músheleri paıdaly qazba­lar óndirýde 0 paıyzdyq salyq mól­sherin belgileý, qarjylan­dy­rý máselesin jaqsartý, “Zvezd­noe” kenishin damytý máseleleri boı­ynsha usynystarǵa nazar aýdar­dy. Stepnogor qalasyn sýmen qamtamasyz etý júıelerindegi ótken qystaǵy apat pen ormandy alqaptardaǵy órt qaýipsizdigi máselesi jurtshylyqty qatty alańdatýda. Osyǵan baılanysty Úkimet basshysy “Stepnogor vodokanal”, oblys ortalyǵynda­ǵy “Kókshetaý jylý” kásiporyn­darynda jáne Býrabaıdaǵy ja­ńadan salynǵan ortalyq órt són­dirý deposynda májilis ót­kizdi. Onda Aqmola oblysynyń ákimi S.Dıachenkonyń, Aýyl sharýa­shy­lyǵy mınıstri A.Kú­rish­baevtyń, Qurylys jáne turǵyn úı-kom­mý­naldyq sharýa­shylyq agenttiginiń tóraǵasy S. Nokınniń, Tótenshe jaǵdaılar mınıstri V.Bojkonyń, Týrızm jáne sport vıse-mı­nıstri K.О́skenbaevtyń, Indýs­trııa jáne jańa tehnologııalar vıse-mınıstri B. Kamalıevtiń, Tabıǵı monopolııalardy retteý agent­tiginiń tóraǵasy N.Aldaber­ge­novtiń esepteri tyńdaldy. Arnaıy jumys toby atalǵan máselelerdi jan-jaqty ekshep, tıisti sheshim qabyldanatyny má­lim boldy. Sondaı-aq, Pre­mer-Mınıstr Kárim Másimov Býrabaı aýdanyndaǵy “Esil-Agro” JShS zamanalyq taýar­ly-sút ferma­syn­da, Kókshetaý­daǵy “ST Agro­ser­vıs” JShS men “KamAZ-Injı­nırıng” aksıonerlik qo­ǵamyn­da bolyp, oblystyq “Qan ortalyǵynyń” jańa ǵımaraty­nyń quryly­symen tanysty. Premer-Mınıstr Kárim Másimov oblys ákimdiginde Aqmo­la, Soltústik Qazaqstan, Qosta­naı oblysy ókilderiniń qaty­sýy­men keńes ótkizdi. Onda Munaı jáne gaz mınıstri Saýat Myń­baev pen Aqmola obly­sy­nyń áki­mi Sergeı Dıachenkonyń elimizdiń soltústik óńirin suıyq gazben qamtý baǵdarlamasyn oryndaý máselesine qatysty habarlama­lary tyńdaldy. Úkimet basshysy óziniń qory­tyndy sózinde Aqmola oblysyn­daǵy ıgi qadamdarǵa qoldaý kór­setý qajettigin atap kórsetip, turǵyndardyń qalypty tir­shiligin qamtamasyz etýdegi Elbasy tap­syrmasynyń minsiz oryndalýyn talap etti. Al, soltústik óńirdi suıyq otynmen qamtamasyz etýge baılanysty másele eki aptadan keıin Úkimet otyrysynda arnaıy qaralatyn boldy. Baqbergen AMALBEK,Aqmola oblysy. Sýretti túsirgen  Shúkir ShAHAI.