Prezıdent • 27 Qarasha, 2025

UQShU Ujymdyq qaýipsizdik keńesiniń keńeıtilgen quramdaǵy otyrysy ótti

40 ret

kórsetildi

1 mın

oqý úshin

Memleket basshysy Qasym-Jomart Toqaev resmı delegasııa múshelerimen birge UQShU Ujymdyq qaýipsizdik keńesiniń keńeıtilgen quramdaǵy otyrysyna qatysty, dep jazady Egemen.kz.

Dana MYRZAQADIR

UQShU Ujymdyq qaýipsizdik keńesiniń keńeıtilgen quramdaǵy otyrysy ótti

Foto: Aqorda

Qazaqstan, Belarýs, Qyrǵyzstan, Reseı jáne Tájikstan kóshbasshylary Uıymǵa múshe elderdiń ujymdyq qaýipsizdigin qamtamasyz etýdiń ózekti máselelerin qarastyryp, bıylǵy UQShU jumysynyń negizgi baǵyttaryn qorytyndylady. Sondaı-aq aldaǵy kezeńge arnalǵan basymdyqtardy anyqtady.

Prezıdentter UQShU Bas hatshysy laýazymyndaǵy qyzmetin aıaqtap jatqan Imanǵalı Tasmaǵambetovke alǵys aıtty.

Jıyn barysynda 2026 jylǵy 1 qańtardan bastap UQShU Bas hatshysy qyzmetine úsh jyl merzimge Qyrǵyz Respýblıkasynyń ókili Taalatbek Masadykovty taǵaıyndaý týraly sheshim bekitildi.

Otyrys qorytyndysy boıynsha Ujymdyq qaýipsizdik keńesiniń deklarasııasy qabyldandy. Sondaı-aq Uıymǵa múshe memleketterdiń múddesine saı ujymdyq qaýipsizdik júıesin jan-jaqty jetildirýge baǵyttalǵan birqatar qujatqa qol qoıyldy.

Buǵan deıin Memleket basshysy UQShU Ujymdyq qaýipsizdik keńesiniń shaǵyn quramdaǵy otyrysyna qatysqan bolatyn.