Jomart jan» syılyǵy 2016 jyldan beri óńirdegi qoly ashyq, qaıyrymdy isi kóp kásipkerlerge, ultaralyq kelisim men birlikti nyǵaıtýǵa atsalysyp júrgen belsendi azamattarǵa berilip keledi.
Saltanatty is-sharada oblys ákiminiń orynbasary 25 adamǵa Qazaqstan halqy Assambleıasynyń «Birlik» altyn medalin, Qazaqstan halqy Assambleıasynyń jáne Mádenıet jáne aqparat mınıstrliginiń alǵys hattaryn tabys etti.
Marapat ıeleriniń árqaısy óz salasynda tabysty eńbek etip, aınalasyna sharapatyn tıgizip júrgen jandar. Máselen, Amangeldi óńiriniń abyroıyn asyryp, el ıgiligi úshin eńbek etip júrgen kásipkerdiń biri – kóp balaly ana Janerke О́tegenqyzy.
«Tomı nur» sharýa qojalyǵyn basqaratyn kásipker kóp jyldan beri qaıyrymdylyqpen aınalysyp keledi. Máselen, bıyl oblystyq «Mektepke jol» respýblıkalyq aksııasy aıasynda aýyl oqýshylaryna qajetti oqý quraldaryn taratty. Janerke О́tegenqyzy muqtaj otbasylarǵa úzbeı qoldaý jasap, kómek kórsetip otyrady.
«Búgin bizdiń azǵantaı eńbegimizdi joǵary baǵalap, qurmet kórsetip jatyr. О́te rızamyn. О́zim de kóp balaly ana bolǵandyqtan, bala baǵýdyń qandaı qıyn ekenin jaqsy bilemiz. Sondyqtan shamamyz jetkenshe, jalǵyzbasty analarǵa, kóp balaly otbasylarǵa, zaǵıptarǵa qol ushyn berip turýdy paryz sanaımyz», deıdi kásipker.
Qostanaı oblysy
