...meshitte Nursultan bóbektiń tusaýy kesildi
Eńbekshiqazaq aýdany Esik qalasynda bir mezgilde 500 adam minájat etetin jańa meshit ashyldy. Atalǵan sharaǵa Qazaqstan musylmandary dinı basqarmasynyń tóraǵasy, Bas múftı, sheıh Ábsattar qajy Derbisáli qatysyp, Islam dininiń qaǵıdattaryn ýaǵyzdady, Islam dininiń basty baǵyty – ultqa, násilge bólinbeı, birlik pen yntymaqta bolyp, ózara dostyqty berik ustaný ekendigin ortaǵa saldy.Memleket basshysy Nursultan Nazarbaevtyń qalaýy men saıasaty da osy. Demek, ortaq shańyraqtaǵy osy qundylyqtardan aınymaıyq degen nıetpen bata berdi.
Jurtshylyq besin namazynan soń bir jasqa kelgen Nursultan bóbektiń tusaýyn kesip, aq jol tiledi. Kishkentaı bóbek apyl-tapyl basyp, alǵashqy qadamyn Alla úıiniń aq tabaldyryǵynan bastady.
Kúmisjan BAIJAN, Almaty oblysy.
...dıirmen kesheni ashyldy
Qostanaı qalasynyń irgesinde ashylǵan “Altyn maı” dıirmen kesheni – oblysta bıyl júzege asatyn 11 ınvestısııalyq jobanyń alǵashqysy. Munda ornatylǵan sheteldik jabdyq táýligine 300 tonna bıdaı tarta alady. Kásiporyn júzden asa adamǵa jumys ornyn usynyp otyr. Dıirmen keshenin salý 1 mıllıard 300 mıllıon teńgege tústi. Bul – oblystyń aýyl sharýashylyǵy salasyndaǵy ınvestısııalyq jobalarǵa bólingen eń kólemdi qarjy.
Joǵary sapaly un óndiretin dıirmen oblys ekonomıkasyna serpin beredi. Al onyń ónimi eksportqa shyǵarylatyn bolady. Keshende, sonymen qatar, zyǵyr maıy da óndiriledi. Ol el rynogyndaǵy otandyq taýarlardyń úlesin arttyrmaq.
Názıra JÁRIMBETOVA, QOSTANAI.
...poshta baılanysy qyzmet kórsetedi
Chkalov aýylynda poshta baılanysynyń jańa ǵımaraty boı kóterdi. Ol Úkimettiń 2004-2010 jyldarǵa arnalǵan aýyldyq aýmaqtardy damytý baǵdarlamasy boıynsha júzege asyryldy. Keńse úıiniń jobasyn “Qazposhta” AQ daıyndady. Munda poshta qyzmetkerleriniń talapqa saı jumys istep, sapaly qyzmet kórsetýine qolaıly jaǵdaı týǵyzylǵan. Jumys oryndarynyń kompıýterlendirilýi, óndiristik úderisterdiń korporatıvti basqarý júıesine qosylýy istiń atqarylýyn jeńildete túsken. Klıentter bankomat qyzmetin de paıdalana alady. Mekeme qyzmetkerleri 851 zeınetker men áleýmettik járdemaqy jáne 471 jalaqy alatyn adamdarǵa óz qyzmetterin usynady.
Atalmysh baǵdarlama sheńberinde Qyzyljar, Aıyrtaý, M.Jumabaev aýdandarynda osyndaı úlgili jobalar qolǵa alynatyn bolady.
О́mir ESQALI, Soltústik Qazaqstan oblysy, Taıynsha aýdany.
...balabaqsha 45 kúnde salyndy
Temir aýdanynyń Qumqudyq aýylynda Elbasy Nursultan Nazarbaevtyń bıylǵy Joldaýynda kórsetilgen “Balapan” baǵdarlamasy aıasynda 25 oryndyq “Balapan” balabaqshasy paıdalanýǵa berildi. Balabaqsha qurylysyna Koreı ulttyq munaı korporasııasy qarjylaı demeýshilik jasady. Ǵımarattyń qurylysyn “KazPromStroıGrýpp” JShS nebári 45 kúnde salyp bitirdi. Bul – osy aýylda sońǵy otyz jyl ishinde salynǵan alǵashqy jańa qurylys nysany.
Ǵımarattyń ashylý saltanatyna aýdan ákimi Baýyrjan Qanıev, Koreı ulttyq munaı korporasııasy bas dırektorynyń orynbasary Lım Gynmýk jáne basqalary qatysyp, balabaqshanyń ishi sábılerdiń shattyq kúlkisine toly bolsyn degen tilekterin bildirdi. Aýyl turǵyndary qazaqy dástúrmen osyndaǵy áleýmettik máselelerdi sheshýge udaıy atsalysyp kele jatqan Lım Gynmýktyń ıyǵyna shapan jaýyp, astyna at mingizdi.
Satybaldy SÁÝIRBAI, Aqtóbe oblysy.
Sońǵy jańalyqtar
Qazaqstan quramasy Qysqy Olımpıada oıyndarynyń ashylý rásimine qatysty
Sport • Búgin, 01:41
Alına Chıstıakova Qazaqstan quramasyna alǵashqy altyn medaldi syılady
Jeńil atletıka • Búgin, 00:55
Qysqy Olımpıada oıyndarynyń ashylý saltanaty bastaldy
Sport • Búgin, 00:25
Rýslan Kýrbanov semserlesýden Germanııadaǵy álem kýboginiń jeńimpazy atandy
Sport • Búgin, 00:13
Qysqy Olımpıada-2026: Jarys kestesi jarııalandy
Sport • Keshe
Almatyda jasyrylǵan esirtki zerthanasy áshkerelendi
Esirtki • Keshe
Myqty teńge ekonomıkany nege qoldamaıdy?
Ekonomıka • Keshe
Atyraý oblysynda buzaqylyq deregimen 121 adamǵa sot úkimi shyqty
Aımaqtar • Keshe
