Foto: Aqorda
«Olar óz úmitkerlerin usynyp, saılaýǵa belsene aralasty. Saıası uıymdardyń 1500-den astam ókili ákim bolyp saılandy. Jańa basshylardyń qatarynda 6 partııanyń músheleri bar. Al 700-den astam azamat ózin-ózi usynyp, saılaýda jeńiske jetti», dedi Memleket basshysy.
Prezıdenttiń aıtýynsha, jalpy nátıje jaman emes.
«Saılanǵan ákimder jumysqa kirisip ketti, jalpy nátıje jaman emes deýge bolady. Eń bastysy, olar jergilikti jurttyń muń-muqtajyn, sheshimin tappaı jatqan túıtkilderdi jaqsy biledi.
Aýyl-aımaqtyń damýyna bólingen bıýdjet qarajaty da tıimdi ıgerile bastady. Aýyldardyń kirisi kóbeıdi, memleket tarapynan beriletin qarjyǵa, ıaǵnı dotasııaǵa táýeldilik azaıyp keledi.
Jaqynda júrgizilgen saýalnamaǵa sáıkes aýyl turǵyndarynyń 84 paıyzy óz ákimderine senetini anyqtaldy. Bul – óte jaqsy kórsetkish. Sondyqtan aýyl ákimderin saılaý úderisi aldaǵy ýaqytta da jalǵasyn tabady», dedi Qasym-Jomart Toqaev.
