Foto: Ashyq derekkóz
Qaýipsizdik qyzmetiniń basshysy Krıs Tannyń aıtýynsha, izdeý jumystary tolyq aıaqtalǵan. Jedel shtabtyń málimetine sáıkes, shamamen 200 adam iz-tússiz joǵalyp ketken, kem degende 79 adam túrli jaraqat alǵan.
«Qazir bizdiń negizgi mindetimiz – ǵımarat ishindegi temperatýrany tómendetý. Mamandar nysannyń qaýipsiz ekenin rastaǵannan keıin polısııa dálelder jınaýǵa jáne tergeýge kirisedi», dedi Krıs Tan.
Reuters málimetinshe, brıfıng kezinde bılik ókilderi órt shyqqan ǵımarataǵy dabyl júıeleri durys jumys istemegenin málimdedi. Sondaı-aq, qaıtys bolǵandardyń bir bóliginiń jeke basy áli anyqtalmaǵany aıtyldy. Qutqarý jumystaryna shamamen 1 myń polıseı jumyldyrylǵan. Nysandardan 108 adamnyń máıiti tabylyp, taǵy tórteýi aýrýhanada alǵan jaraqattarynan kóz jumǵan.
Resmı aqparatqa súıensek, órtti sóndirý barysynda 12 órt sóndirýshi jaraqat alǵan, olardyń biri aýyr hálde jatyr.
Buǵan deıin qala bıligi órtke baılanysty abaısyzda kisi óltirý kúdigimen úsh adamdy ustaǵanyn habarlaǵanyn jazǵan edik. Tekserý barysynda ǵımarattyń syrtqy qabatynda otqa tózimsiz materıaldar qoldanylǵany anyqtaldy.
