Baıqaýǵa medısına, aýyl sharýashylyǵy, ónerkəsip, mədenıet, jýrnalıstıka, qurylys, taý-ken óndirisi tárizdi mańyzdy salalarda eńbek etip júrgen arýlar qatysqan. Jeńimpazdardy oblys əkimi Qumar Aqsaqalov quttyqtap, áıelder qaýymynyń óńir damýyna úlken úles qosyp kele jatqanyn tilge tıek etti.
– Oblysta kóp jyldan beri əıelder kəsipkerligin qoldaýǵa baǵyttalǵan baǵdarlamalar men akseleratorlar, túrli jobalar iske asyrylyp kele jatyr. Sondaı-aq «Jyldyń úzdik əıelderi», «Úzdik əleýmettik joba» sekildi baıqaýlar áıelderdiń əleýetin ashýǵa úlken múmkindik berip otyr. Qostanaı oblysynda «Isker áıelder qaýymdastyǵynyń» júzge jýyq belsendi múshesi bolsa, solardyń qatarynda təjirıbeli mamandar, kəsiporyn basshylary, qoǵam qaıratkerleri bar, – dedi óńir basshysy.
Baıqaý jeńimpazy Aıgúl Ilmenskaıa 12 jyldan beri «SaryarqaAvtoprom» zaýytynda dənekerleýshi bolyp jumys isteıdi.
– Kólikti bastan-aıaq qurastyryp shyǵý – úlken sharýa, úlken ujymnyń uıymdasqan eńbeginiń jemisi. Jol ústinde keshe ǵana óndiristik jelide ózińniń qolyńnan ótken, shanaǵyn óziń dánekerlep shyqqan kólikti kórgende, erekshe maqtanysh sezimi keýdeńdi kerneıtini ras. Eń bastysy, kásibim ózime unaıdy. Jumysqa da, úı sharýasyna da úlgerip jatyrmyz. Búginde joldasym ekeýmiz úsh balany tárbıelep otyrmyz, – deıdi Aıgúl.
Komarov kenishiniń ókili Əsel Tuıaqova taý jynysyn tasymaldaýǵa arnalǵan alyp tehnıka «BelAZ» júk kóligin júrgizedi.
– Meniń kim bolyp jumys isteıtinimdi bilgende kóp adam tańǵalady. Alaıda bul mamandyqty kezdeısoq tańdaǵan joqpyn. Joldasym da, qaıyn atam da kenishte eńbek etedi. Ərıne, eki qabatty úıdiń bıiktigindeı alyp kólikti basqarýǵa úlken jaýapkershilik kerek. Túzde taý qoparǵan batyr bolsaq, úıde usaq-túıek sharýasy taýsylmaıtyn áıelmiz. Úsh ul ósirip otyrmyz. Jumystan bos ýaqytta solarǵa dámdi as, tátti taǵam pisirip berip, sony súısine jep otyrǵandaryna qarap, janym jadyrap qalady. Ondaıda otaǵasy analaryńnyń kóligi taýdaı, tamaǵy baldaı dep ázildeıdi. Áıel adamǵa ot basy – oshaq qasyndaǵy jylýdan artyq eshteńe joq, – deıdi Əsel.
Forým aıasynda kəsiptik damý, əıel belsendiligi, əıel densaýlyǵy tárizdi ózekti məseleler talqylandy. Sarapshylar men mamandar forýmǵa qatysýshylarǵa qazirgi zaman əıeliniń kəsibı kelbetin qalyptastyrý, kópshilik aldynda sóıleý mədenıeti, sóıleý tehnıkasy, jumys barysynda kezdesetin fızıkalyq faktorlardyń əseri jaıynda keńes berdi.
Qostanaı oblysy
