Foto: «Ordabasy» fýtbol klýby
Vedomstvonyń málimetinshe Bahtııar Baıseıitovtiń Túrkııada turyp jatqany belgili bolǵan. 2025 jyldyń 21 aqpanynda ony elge qaıtarý týraly ótinish berilgen.
«Sheshim áli qabyldanǵan joq», dep málimdedi Bas prokýratýra.
Tergeýdiń nusqasy boıynsha, Baıseıitov Túrkistan oblysyndaǵy «Qarataý» kenishiniń qurylysyn salýǵa bólingen 320 mln teńgeden astam qarajatty jymqyrǵan. Tergeýshilerdiń málimetinshe, joba úshin qajetti jabdyq jetkizilmegen, al qarjynyń bir bóligi «Iri building» jáne «Qarataý» kompanııalary arqyly zańsyz shyǵarylǵan.
Baıseıitov ózi basqaratyn kompanııanyń qyzmetine lobbı jasaǵany anyqtaldy.
«Is Qazaqstan Respýblıkasy Qylmystyq kodeksiniń 189-baby 4-bóliginiń 2-tarmaǵy boıynsha saralandy, bul tarmaq adamdar tobynyń asa iri kólemde basqa bireýdiń múlkin jymqyrýyna qatysty», delingen habarlamada.
Aıta keteıik, 2017–2021 jyldary Bahtııar Baıseıitov «Ordabasy» fýtbol klýbynyń prezıdenti bolǵan.
