Foto: Ashyq derekkóz
Qanat Bozymbaevtyń aıtýynsha, tergeý eki baǵytta júrgiziledi. Bas prokýratýra qylmystyq quramdy anyqtaıdy, al Kólik mınıstrligi avıasııalyq apattyń tehnıkalyq sebepterin tekseredi.
«Kólik mınıstrligi tergeýdi aıaqtaýǵa jaqyn. Qazirgi kezde tehnologııalar, aeronavıgasııalyq quraldar jáne basqa jabdyqtarǵa qatysty lısenzııa berýshiler men óndirýshilerden qorytyndy esep kútip otyrmyz. Sondyqtan bıyl nemese kelesi jyldyń basynda tergeý nátıjesi jarııalanady. Bas prokýratýranyń tergeýinde de ilgerileý bar. Kórshiles memleketter basshylarynyń málimdemeleri eskerilgen. Osy turǵyda kelesi jyly tolyq aıaqtalady dep úmittenemiz», dedi Qanat Bozymbaev.
Esterińizge sala ketıik, 25 jeltoqsanda Aqtaý mańynda Bakýden Groznyıǵa baǵyt alǵan AZAL jolaýshylar ushaǵy apatqa ushyraǵan edi. Bortta 67 adam bolǵan, onyń ishinde bes ekıpaj múshesi bar. Apat saldarynan 38 adam qaza taýyp, 29 jolaýshy aman qaldy. Aıta keteıik, ushaqta Qazaqstannyń 6 azamaty bolǵan edi.
