Foto: Ashyq derekkóz
Kompanııa bastapqyda úıdi qazan aıynda tapsyramyz dedi, keıin qarashaǵa aýystyrdy. Tipti kompanııa úleskerlerge aqshalaryn qaıtaryp alýdy suraǵan, alaıda turǵyn úı baǵasynyń turaqty ósýine baılanysty bul nusqa olarǵa tıimsiz.
«Biz qarajatty salyp qoıdyq, turǵyn úı qurylysynyń aıaqtalýyn shydammen kúttik. Búginde olar páterimizdiń kiltin tabystaýǵa tıis edi. Biraq olar kelisimdi buzǵyzy keledi. Men 3,5 jyl buryn bul úıge aqsha saldym, olar sol aqshany qaıtarýǵa daıyn, biraq maǵan aqsha kerek emes. Maǵan páter kerek. Qazir sol aqshaǵa páter satyp ala alamyz ba? Múmkin be ol? Jarty páterdiń ózin ázer alamyz», deıdi úlesker Jaýhaz Saýtbaeva.
Tamyz aıynda taǵy bir úlesker Gúlnar Sabıtova sot qujatynda keshenniń jylý júıesinen ajyratylýy múmkin degen aqparat shyqqanyn kórip, sebebin bilý úshin resmı suraý jibergen. Sondaı-aq jer telimin bosatý qajet bolýy múmkin degen sot sheshimi de turǵyndardyń alańdaýyn kúsheıtken.
Jergilikti turǵyndardyń aıtýynsha, taǵy bir úlken másele – úıde jylýdyń joqtyǵy. Kompanııa osy jáne basqa da kemshilikterdiń bar ekenin moıyndap otyr. Qurylys kompanııasynyń resmı ókili 24KZ telearnasyna bergen túsiniktemesinde mundaı olqylyqtar qurylys merziminiń sozylyp ketýinen bolǵanyn aıtty.
