Foto: Ashyq derekkóz
Roman alǵash jaryq kórgen kezde synshylardyń pikirleri ekige bólingen edi, biraq keıinirek bul týyndy aǵylshyn tilindegi eń uly romandardyń biri retinde moıyndaldy. Onyń daýly bolýyna psıhıkalyq jáne fızıkalyq qatigezdikti, sonyń ishinde otbasylyq zorlyq-zombylyqty beıneleýi, sondaı-aq Vıktorııa dáýiriniń moraldyq ustanymdaryna, dinine jáne taptyq júıesine qarsy keletin tustary sebep boldy.
«Nege bul roman osyǵan deıin jıi oqylyp, tipti aǵylshyn ádebıetiniń tańdaýly shyǵarmalar qatarynan túspeı keledi?» degen zańdy suraq týary anyq. Avtor bul týyndysynda romantızm men gotıkalyq ádebıettiń elementterdi jaqsy úılestire alǵan. Sonymen birge adam tabıǵatynyń qarańǵy jaqtaryn ashyq kórsetken alǵashqy shyǵarmalardyń biri de osy.
Bir sózben aıtqanda, «Jeldi qyrattar» – mahabbat pen kektiń adamdy qalaı ózgertetinin, áleýmettik orta men ishki kúızelisterdiń taǵdyrǵa áserin kórsetetinin tereń túsindiretin shyǵarma.
