Zań • 07 Jeltoqsan, 2025

Tóbeleske qatysqan basshy jumysynan bosatylýy múmkin

70 ret
kórsetildi
1 mın
oqý úshin

Memlekettik qyzmet isteri agenttigi barlyq óńirdegi memlekettik qyzmetshilerdiń qatysýymen ótken oqıǵalarǵa, onyń ishinde jaǵymsyz jaǵynan kórinis tapqan áreketter men BAQ-taǵy synı materıaldarǵa turaqty túrde monıtorıng júrgizip keledi, dep habarlaıdy Memlekettik qyzmet isteri agenttigi.

Tóbeleske qatysqan basshy jumysynan bosatylýy múmkin

Agenttiktiń Túrkistan oblysy boıynsha departamenti jýyrda áleýmettik jelide qoǵamdyq rezonans týdyrǵan, memlekettik qyzmetshiniń qatysýymen bolǵan tóbeles oqıǵasyna baılanysty tıisti qyzmettik tekseris júrgizdi.

Nátıjesinde, 5 jeltoqsan kúni Agenttiktiń Túrkistan oblysy boıynsha Ádep jónindegi keńesi tıisti sheshim qabyldady. Keńes sheshimimen Túrkistan oblysynyń Memlekettik sáýlet-qurylys baqylaý basqarmasynyń basshysy S.Jalyqulǵa qatysty qyzmettik ádep normalaryn buzǵany úshin «atqaryp otyrǵan laýazymynan bosatý» túrindegi tártiptik jaza qoldaný usynyldy.

Ádep jónindegi keńes S.Jalyqul tarapynan oryn alǵan turpaıy, qoǵamǵa jat minez-qulyqty, sondaı-aq memlekettik organnyń bedelin túsiretin áreket jasaý arqyly jalpyǵa ortaq moraldyq-etıkalyq normalardy buzý faktisin anyqtady.

Sońǵy jańalyqtar