Foto: Pixabay
Lývr mýzeıiniń ákimshisiniń orynbasary Frensıs Steınboktyń málimetinshe, káriz qubyrynan shyqqan las sý Mysyr kóne jádigerler kitaphanasynyń bir zalyn basyp, onda saqtalǵan materıaldarǵa zaqym kelgen.
«Qazirgi ýaqytta 300-400 qujattyń búlingeni belgili, biz tolyq túgendeý jumystaryn júrgizip jatyrmyz. Zaqymdanǵan shyǵarmalar sýdan shyǵarylyp, qazir lastanǵan shyǵarmalardyń ár betin keptirý jumystary júrgizilip jatyr», dedi Frensıs Steınbok.
Búlingen qujattar tek egıpettanýshylar, mýzeı qyzmetkerleri men stýdentter paıdalanatyn merzimdi basylymdar, anyqtamalyqtar jáne arheologııalyq jýrnaldardan turady. Olardyń eń kónesi HIH ǵasyrdyń aıaǵyna tıesili, al keıbiri HH ǵasyrdyń basynda jaryq kórgen.
Frensıs Steınboktyń sózine qaraǵanda, ǵımarattaǵy jeldetý jáne jylytý júıesinde burynnan aqaý bar. Zardap shekken aımaq mýzeıdiń jańartýdy qajet etetin salalar tiziminde turǵan.
Buǵan deıin Lývr mýzeıinde buryn-sońdy bolmaǵan urlyq jasalǵanyn jazǵan edik.
Sonymen qatar 14 qarasha kúni belgııalyq eki bloger Nıl men Senne áıgili Lývr mýzeıine qarapaıym kelýshiler retinde kirip, óz portretterin Mona Lıza turǵan mártebeli zalǵa ilip ketken edi. Bul jaıt qaýipsizdik júıesine qatysty jańa alańdaýshylyq týǵyzdy.
