Forým aıasynda «Assambleıa jastary» RQB tóraǵasynyń orynbasary, Stýdentter assambleıasynyń tóraǵasy Aleksandr Ýrmashov jastarǵa «Ishki kóshbasshylyq» taqyryby boıynsha sheberlik saǵatyn ótkizedi.
«Bul forým – elimizde tuńǵysh uıymdastyrylyp otyrǵan tarıhı is-shara. Qostanaı forýmy elimizdiń stýdent jastary úshin, biz úshin de asa mańyzdy. О́ıtkeni, joǵary oqý oryndarynda bilim alyp jatqan jastar – memlekettiń erteńi, eldiń bolashaǵy. Búgingi tańda erteń el ıgiligine qyzmet etetin bilimdi, básekege qabiletti, oıy ótkir, sanaly urpaq qalyptastyrý asa mańyzdy. Forýmǵa prorektorlar, joǵary oqý oryndarynyń ókilderi de arnaıy kelip otyr. Bul – stýdenttik bastamalarǵa joǵary deńgeıdegi qoldaýdyń bar ekenin kórsetedi», deıdi Ǵylym jáne joǵary bilim mınıstrligi Joǵary jáne joǵary oqý ornynan keıingi bilim komıteti tóraǵasynyń orynbasary Aqerke Abylaıhan.
Forýmǵa alpysqa jýyq stýdent qatysyp jatyr. Olar eki kún boıy ózara tájirıbe almasyp, bilikti mamandardyń dárisin tyńdaıdy. Sondaı-aq, qalanyń mádenı oryndaryn aralap, kórip, Mirjaqyp Dýlatulynyń 140 jyldyǵyna oraı sahnalanǵan qoıylymdy tamashalaıdy.
Qostanaı oblysy
