Mınıstrliktiń Telegram-arnasynyń dereginshe, Shortandy aýdanyndaǵy dúkende shujyq baǵasy shetel valıýtasy rýblmen belgilengen. Zań boıynsha saýda sóresindegi baǵa tek qana teńgede kórsetilýi shart. Bul quqyq buzýshylyq úshin kásipker aıyppul arqalady.
Sonymen qatar Aqmola oblysynda azyq-túlik naryǵyn turaqty tekserý barysynda áleýmettik mańyzy bar ónimderge ruqsat etilgen saýda ústemesin asyrý faktileri anyqtaldy. Memlekettik baqylaýdy Aqmola oblysy boıynsha Saýda jáne ıntegrasııa mınıstrliginiń Saýda jáne tutynýshylar quqyǵyn qorǵaý departamenti júrgizedi.
2025 jyly Aqmola oblysynda ákimshilik jaýapkershilikke 216 kásipker tartyldy, olardyń 99-y eskertý aldy, al 117-si jalpy somasy 2,2 mıllıon teńgeden astam aıyppul tóledi. Anyqtalǵan quqyq buzýshylyqtar qatarynda áleýmettik mańyzy bar ónimderge saýda ústemesiniń asyp ketýi, shetel valıýtasynda taýarlardy satý, tutynýshy buryshtarynyń joqtyǵy jáne tutynýshylardyń shaǵymdaryna zańda belgilengen merzimde jaýap bermeý bar.
Aıta keteıik, buǵan deıin Petropavldaǵy sýpermarketterdiń birinde baǵalardy rýblmen kórsetken kásipker anyqtalyp, ákimshilik jaýapkershilikke tartylǵan edi.
