Foto: Memlekettik qyzmet isteri agenttigi
Konferensııada adaldyq mádenıetin qalyptastyrýdaǵy Ardagerler keńesiniń róli, tálimgerlikti damytý máseleleri talqylandy. Aldyńǵy býyn ardagerler tájirıbesin keıingi jetkinshekterge úlgi-ónege retinde usynýdyń mańyzdylyǵy ataldy.
Kópshilikke málim, Memlekettik qyzmet isteri agenttigine burynǵy Sybaılas jemqorlyqqa qarsy is-qımyl agenttiginiń birqatar fýnksııasy men ókilettigi berilgen bolatyn. Atap aıtqanda, sybaılas jemqorlyqqa qarsy saıasatty júzege asyrý, osy saladaǵy is-qımyldardy úılestirý, sondaı-aq sybaılas jemqorlyqqa qarsy mádenıetti qalyptastyrý mindetteri júkteldi. Al jemqorlyqpen kúres sekildi keshendi ıdeologııalyq jumysta dástúr sabaqtastyǵynyń mańyzy erekshe.
Is-shara barysynda sóz alǵan Memlekettik qyzmet isteri agenttiginiń tóraǵasy Darhan Jazyqbaı: «Jemqorlyqtyń aldyn-alý sharalaryn turaqty túrde jetildirýde tálimgerlik ınstıtýtynyń mańyzy erekshe. Jemqorlyqqa qarsy qyzmet ardagerleri keńesiniń tájirıbesi – jas mamandardy qoldaý, tájirıbe almasý, kásibı dástúrlerdi nyǵaıtý men sabaqtastyq úshin óte mańyzdy ról atqarady», dedi.
Konferensııa qorytyndysy boıynsha taraptar sybaılas jemqorlyqtyń aldyn alý mádenıetin nyǵaıtý baǵytyndaǵy yntymaqtastyq týraly qujatqa qol qoıdy.
