Oqıǵa • 11 Jeltoqsan, 2025

Almaty-2 temirjol beketinde 52 adam tabıǵı gazdan ýlandy: eki bala jansaqtaý bóliminde

140 ret

kórsetildi

1 mın

oqý úshin

Almaty-2 temirjol beketinde tabıǵı gazdan ýlaný deregi tirkelip, jedel járdem qyzmeti shuǵyl túrde oqıǵa ornyna jetti. Qoǵamdyq densaýlyq saqtaý basqarmasynyń málimetinshe, barlyǵy 52 adamǵa medısınalyq kómek kórsetildi. Japa shekkenderdiń arasynda eki bala bar, olar qazir jansaqtaý bóliminde jatyr, dep habarlaıdy Egemen.kz.

Qyrmyzy JUMAǴALIQYZY

Almaty-2 temirjol beketinde 52 adam tabıǵı gazdan ýlandy: eki bala jansaqtaý bóliminde

Foto: istockphoto.com

Oqıǵa bolǵan vagondar «Jolaýshylar tasymaly» AQ-na tıesili emes ekeni anyqtaldy. Olar jeke menshik tasymaldaýshynyń menshiginde bolyp, kınostýdııaǵa túsirilim jasaý maqsatynda ýaqytsha berilgen. Qazir barlyq jaǵdaıdy tıisti organdar jan-jaqty tekserip jatyr.

Dárigerler 10 balany stasıonarǵa jatqyzǵan. Olardyń ekeýi aýyr hálde jansaqtaý bóliminde, qalǵandary beıindi bólimshelerde em qabyldap jatyr. Basqa azamattarǵa alǵashqy kómek kórsetilip, ambýlatorlyq baqylaýǵa jiberilgen.

Qoǵamdyq densaýlyq saqtaý basqarmasy qajetti medısınalyq kómektiń tolyq kórsetilip jatqanyn habarlady.