Foto:Aqorda
«Bul kıiz úıdi álemdik mádenıettiń bir bólshegi retinde taný múmkindigin arttyrady jáne Ortalyq Azııa murasynyń ortaq ekenin aıǵaqtaıdy», dedi Erlan Qarın.
Onyń aıtýynsha, kıiz úı dástúri 2014 jyly Qazaqstan men Qyrǵyzstannyń usynysymen IýNESKO-nyń reprezentatıvti tizimine engen bolatyn. Al bıylǵy keńeıtý sheshimi onyń aýqymyn arttyryp, halyqaralyq mádenı keńistiktegi tanymaldyǵyn kúsheıtedi.
Memlekettik keńesshi Qazaqstannyń buǵan deıin IýNESKO-nyń materıaldyq emes mádenı muralar tizimine 14 atalym engizgenin eske saldy. Bul kórsetkish boıynsha elimiz 183 memlekettiń ishinde úzdik 25-tiń qatarynda.
«Sonymen qatar qazirgi tańda Qazaqstannyń «Salbýryn» ulttyq ótinimi jáne «Keste tigý óneri» (Qazaqstan, О́zbekstan, Tájikstan), «Kıiz basý óneri» (Qazaqstan, Qyrǵyzstan, Ázerbaıjan, Iran, Mońǵolııa, Tájikstan, Túrkııa, О́zbekstan), «Alpamys jyry» (Qazaqstan, Ázerbaıjan, Túrkimenstan, Túrkııa, О́zbekstan), «Taqııa» (Qazaqstan, Túrkimenstan, Ázerbaıjan, Qyrǵyzstan, Tájikstan, О́zbekstan, Túrkııa) atalymdary IýNESKO-nyń qaraýynda ekenin aıta ketken jón», dedi E.Qarın.
Aıta keteıik, keıinirek О́zbekstan ótinimdi keńeıtýdi usynyp, oǵan qaraqalpaq dástúrin qosýdy usynǵan.
Eske salaıyq, buǵan deıin qobyz ben kıiz úıdiń IýNESKO tizimine engenin habarlaǵan edik.
