Áleýmettik jelide Almaty turǵyny atalǵan týrfırmaǵa shetelge saıahat úshin 1,2 mln teńge tólegenin, alaıda kórsetilýi tıis qyzmet – joldama da, aqshanyń qaıta qaıtarylýy da oryndalmaǵanyn jazǵan. Onyń shaǵymynan keıin basqa azamattar da týragenttikke qatysty narazylyqtaryn bildirgen.
Polısııa departamenti 10-nan astam adamnan Abylai tours týraly aryz túskenin rastady. Qazirgi tańda kompanııanyń áreketine qatysty tergeý bastaldy.
– Áýezov aýdandyq polısııa basqarmasynda QR Qylmystyq kodeksiniń 190-baby – alaıaqtyq – boıynsha is tirkeldi. Qazir tergeý amaldary júrip jatyr. Onyń nátıjesi boıynsha prosessýaldyq sheshim qabyldanady, – dep habarlady Almaty qalalyq polısııa departamenti.
Turǵyndarǵa qandaı da bir týrıstik kompanııanyń qyzmetin paıdalanbas buryn, onyń lısenzııasy men bedelin muqııat tekserý usynylady.
