Fotolar: Turizm jane sport ministrligi
Is-sharaǵa Týrızm jáne sport mınıstri Erbol Myrzabosynov, Oqý-aǵartý mınıstri Juldyz Súleımenova, Qazaqstan dzıýdo federasııasynyń prezıdenti Qýanyshbek Esekeev, «Jeńis» sport klýby, Halyqaralyq dzıýdo federasııasynyń (IJF) jáne dzıýdodan ulttyq qurama músheleri men Olımpıada jáne álem chempıonattarynyń júldegerleri Ábıba Ábýjaqynova men Ǵusman Qyrǵyzbaev qatysty.
Dzıýdo zalynyń ashylýy Ulttyq ǵylymı-praktıkalyq dene tárbıesi ortalyǵynyń Halyqaralyq dzıýdo federasııasymen (IJF) ózara is-qımyly jáne Týrızm jáne sport mınıstrliginiń qatysýymen júzege asyrylyp jatqan Judo in Schools («Mekteptegi dzıýdo») baǵdarlamasy aıasynda ótti. Baǵdarlama zamanaýı jabdyqtarmen qamtylǵan, ádistemelik bazasy bar mektep dzıýdo zaldarynyń jelisin kezeń-kezeńimen qurýdy kózdeıdi.
Alǵashqy kezeńde №45 mekteptiń («Keleshek mektebi») dzıýdo zaly zamanaýı sport qural-jabdyqtarymen qamtamasyz etildi. Bilim berý uıymyna oqýshylarǵa arnalǵan arnaıy sporttyq ınventar men dzıýdo kımonolary tegin tabystaldy.
Týrızm jáne sport mınıstrligi, Oqý-aǵartý mınıstrligi, Halyqaralyq dzıýdo federasııasy, Qazaqstan dzıýdo federasııasy jáne «Jeńis» sport klýby arasynda yntymaqtastyq týraly memorandýmǵa qol qoıyldy. Qujat mektep sportyn damytý baǵytynda taraptardyń turaqty ózara is-qımyl tetigin qalyptastyrýdy kózdeıdi.
Elimizde dzıýdo sporty turaqty damyp keledi. Eldos Smetovtiń Parıj Olımpıadasyndaǵy tarıhı altyn júldesinen keıin bul sport túrine degen qyzyǵýshylyq edáýir artty. Búginde elimizde dzıýdomen shamamen 90 myń adam aınalysady, al sportshylardy daıarlaýmen 1300-ge jýyq jattyqtyrýshy aınalysady.
