Foto: Ashyq derekkóz
Májilis kýlýarynda sóılegen Sanjar Ádilovtiń aıtýynsha, qazirgi ýaqytta «sapasyz qurylys» jáne «ómirge qaýip tóndiretin qyzmet kórsetý» baptary boıynsha is qozǵalǵan.
«Qazirgi ýaqytta Ádilet mınıstrliginiń mamandary birneshe sot saraptamasyn júrgizip jatyr. Sonymen qatar, Astana ákimdigi men beıindi mınıstrlik birlesip arnaıy zertteý júrgizýde. Biz bul tekserýlerdiń qorytyndysyn jaqyn kúnderi kútip otyrmyz», dedi ol.
Sonymen qatar IIM ókili oqıǵa ornyna kelgen qutqarýshylardyń áreketine qatysty saýalǵa jaýap berdi. Onyń sózinshe, qutqarýshylar bekitilgen normatıvtik-quqyqtyq aktiler men buıryqtarǵa saı áreket etkendikten, olardyń jumysyna quqyqtyq baǵa berilmeıdi.
8 qarashada Astanadaǵy Táýelsizdik dańǵyly, 24B mekenjaıyndaǵy toǵyz qabatty ǵımarattyń qasbetinen kirpish jabyny qulady. Saldarynan bes adam jaraqat alyp, №1 jalpy aýrýhanaǵa jetkizilgen. 18 qarashada jaraqat alǵan feldsher Uldana Myrzýan kóz jumdy. Sol kúni, 18 qarashada, Qasym-Jomart Toqaev Uldana Myrzýandy «Erligi úshin» medalimen nagradtady.
Bul is mınıstrliktiń tikeleı baqylaýynda.
