Barlyq turmystyq jaǵdaıy jasalǵan baspana 1981-2002 jyldary týǵan Aqdala aýyly turǵyndarynyń ortaq kúshimen boı kóterdi. Qurylys jumystary birneshe kezeńge bólinip, árbiri óz mindetin jaýapkershilikpen atqardy. Aýyl azamaty ózine tıesili jer telimin qaıyrymdylyq maqsatta tegin syıǵa bergen.
Baspana tabystaý rásimine aýyl turǵyndary qatysyp, jańa qonys ıelerine aq tilekterin arnady. Aýyl aqsaqaldary men zııaly qaýym ókilderi jastardyń basyn qosyp, qaıyrymdy iske bastamashy bolyp júrgen belsendi azamattarǵa rızashylyqtaryn bildirdi. Eńbegi elengen azamattarǵa qurmet kórsetilip, ıyqtaryna shapan jabyldy.
Aıta keteıik, Aqdala aýylynyń belsendi jastary buǵan deıin de asar dástúrimen bir muqtaj otbasyn baspanamen qamtamasyz etken bolatyn. Aldaǵy ýaqytta aýyl jastary qaıyrymdylyq pen ózara qoldaýǵa negizdelgen bul ıgi bastamany jalǵastyryp, muqtaj otbasylar úshin taǵy bir jańa baspana salýdy josparlap otyr.
