Oblystyq fılarmonııa akademııalyq mártebe aldy

Osy kúni Dáý­letkereı atyn­daǵy qazaq halyq aspaptary orkestriniń 25 jyldyǵyna oraı jáne «Atameken» halyq bıi ansambliniń qurylǵanyna 30 jyl tolý qurmetine Premer-mınıstrdiń orynbasary ári Mádenıet jáne aqparat mınıstri Aıda Balaeva­nyń quttyqtaý haty tapsyryldy. Qos ujym­nyń alty múshesi «Qa­zaq­stan Res­pýblıkasy máde­nıet salasynyń úzdigi» tós­bel­gisimen marapattaldy.

О́ner ujymy Dáýlet­kereı atyndaǵy qazaq halyq aspap-tary orkestriniń qu­rylǵanyna 25 jyl tolýy saltanatyn «Atameken» konsert zalynda «Shırek ǵasyr shabyty» atty mereıtoılyq konsertimen atap ótti.

Osy mereıtoı qarsa­ńynda orkestrdiń 25 jyldyq tarıhynan syr shertetin «Shırek ǵasyr shıryǵý» atty derekti fılm daıyndalǵan eken. Orkestr ujymy qyzyl kilem ústinen ótip, halyqtyń qurmet-qoshemetine bólendi.

Fılarmonııa dırektory Baýyrjan Halıolla ujymnyń keıingi bir jylda qol jet­kizgen bas­ty jetis­tikterine toqtalyp ótti. Odan keıin kesh halyq kompozıtorlary men shetel­dik avtorlardyń shy­ǵar­malaryna arnalǵan konsertke ulasty. Orkestrdiń kórkemdik jetek­shisi ári bas dırıjeri, «Daryn» memlekettik jas­tar syı­ly­­ǵynyń ıe­geri Jaras Satybaldıev, Má­denıet salasynyń úzdigi Asylhan Qazıev, fılarmonııa án­shileri Hatımolla Ber­di­ǵa­lıev, Qanatqalı Qo­jaqov, Qaırat Kákimov, Kúlásh Qýanyshqalıeva, Das­tan Esentemirov, Aıbar Haıyr­hanov, Erlan О́miráli, kúıshi Turlyhan Ábýhanov jáne basqalary sahna tórinen orkestrmen birge kezekpen óner kórsetti. Is-shara qonaqtary – Al­maty, Astana, Atyraý qalalarynan arnaıy kelgen óner sheberleri de kórermen kóz­aıymyna aınaldy. Qazaq­stannyń halyq ártisi Aıgúl Úlkenbaeva, Qurmanǵazy atyn­daǵy Qa­zaq ulttyq halyq aspaptar orkestriniń kór­kemdik jetekshisi Batyrjan Myq­tybaev qara dombyrany kúmbirletip kúı tókti.

Batys Qazaqstan oblysy