О́ner ıesi 17 jeltoqsanda QazUMÝ-ǵa baryp, ýnıversıtettiń stýdentteri men qyzmetkerlerimen kezdesti. Is-shara barysynda ýnıversıtet rektory Marat Shoranov Dımash Qudaıbergenniń mádenıetti damytýǵa, jastardyń rýhanı-adamgershilik tárbıesine qosqan úlesin jáne Qazaqstannyń halyqaralyq arenadaǵy oń ımıdjin nasıhattaýdaǵy eńbegin atap ótip, oǵan tıisti ataqty tabystady.
Bolashaq dárigerlerge arnaǵan sózinde Dımash medısınalyq mamandyqtyń kúrdeliligi men jaýapkershiligin erekshe atap ótti. Onyń aıtýynsha, medısına salasy únemi ózin jetildirýdi, joǵary zeıindi jáne úzdiksiz bilim alýdy talap etedi. Sondaı-aq ol kún saıyn adam ómirin qutqaryp júrgen dárigerler naǵyz juldyz atanýǵa ábden laıyq ekenin aıtty.
Kesh sońynda Dımash Qudaıbergen men QazUMÝ stýdentteri jáne «Dala sazy» ulttyq halyq aspaptary ansambliniń músheleri birlesip ortaq mýzykalyq óner kórsetti. Olar sahna men kórermendi bir arnaǵa toǵystyrǵan «Adaı» kúıin kúmbirletip oryndady.
