Qoǵam • 18 Jeltoqsan, 2025

Mereke kezinde Memlekettik Tý ilgen avtokólikter nege toqtatyldy?

120 ret

kórsetildi

1 mın

oqý úshin

Táýelsizdik kúnin merekeleý barysynda avtokólik syrtyna Memlekettik Týdy ilgen azamattardy jol-patrýldik polısııa qyzmetkerleri túrli sebeptermen toqtatqany jóninde aqparattar jarııalanǵan. Atalǵan jaǵdaı áleýmettik jelilerde keńinen talqylandy, dep jazady Egemen.kz.

Shyńǵys MUQAEV

Mereke kezinde Memlekettik Tý ilgen avtokólikter nege toqtatyldy?

Foto: Polisia.kz

Mádenıet jáne aqparat mınıstrligi tarapynan Memlekettik týdy kólikke ornalastyrǵan azamat ákimshilik jaýapkershilikke tartylmaıtyny aıtylǵan.

Ishki ister mınıstrligi men aımaqtyq polısııa departamentteriniń túsindirýinshe, 16 jeltoqsanda kólik júrgizýshileri tek jol qozǵalysy erejelerin buzǵan jaǵdaıda ǵana toqtatylǵan.

Memlekettik rámizderdi qoldanýdyń zańmen belgilengen erejeleri bar. Mádenıet jáne aqparat mınıstrligi olardyń durys qoldaný tártibin qadaǵalaıdy.

«Biz azamattardyń patrıottyq sezimin bildirý, qazaqstandyq biregeılikti saqtaý, el men azamattardyń jetistikterin nasıhattaý maqsatynda memlekettik rámizderdi paıdalanýyn qoldaımyz, biraq ol qoldanystaǵy zańnama sheńberinde júzege asýy tıis.

Qazaqstanda «Zań jáne tártip» qaǵıdasy túrli jaǵdaılar men azamattyq belsendilikke qaramastan, barlyǵyna birdeı», delingen Mádenıet jáne aqparat mınıstrligi taratqan habarlamada.