Foto: Vıdeokadr
Atalǵan tulǵalar Memlekettik Týdy paıdalana otyryp, jol qozǵalysy erejelerin qasaqana buzǵan, avtokólikterdiń qozǵalysyna kedergi keltirip, ózderiniń jáne ózge de jol qozǵalysyna qatysýshylardyń qaýipsizdigine qater tóndirgen. Mundaı jaǵdaılarǵa polısııa beıjaı qaraı almaıtyny anyq.
Quqyq buzýshylyqtar – azamattardan nemese polısııa qyzmetkerleri tarapynan bolsyn – árqaısysy zańǵa sáıkes tıisti quqyqtyq baǵa alatyny belgili.
Sonymen birge, júrgizilgen tekserý nátıjesinde Almaty, Shymkent qalalarynda jekelegen jaǵdaılarda polısııa qyzmetkerleri zańsyz, quqyqqa qaıshy áreketterge barǵany anyqtalǵan. Olarǵa naqty sharalar qabyldandy.
«8 polısııa qyzmetkeri, onyń ishinde basshylyq quram ókilderi tártiptik jaýapkershilikke tartyldy (sógis, qatań sógis), taǵy 4 qyzmetker atqaryp otyrǵan laýazymdarynan bosatyldy», delingen habarlamada.
Buǵan deıin, avtokólikterge Memlekettik Tý ilý boıynsha Mádenıet jáne aqparat mınıstrliginiń málimdemesin jazǵanbyz.
