Sport • 19 Jeltoqsan, 2025

Dopıng daýy: Jánibek Álimhanuly Ring Magazine reıtınginen shyǵyp qaldy

30 ret

kórsetildi

1 mın

oqý úshin

Boks áleminiń bedeldi basylymy Ring Magazine orta salmaqtaǵy úzdik boksshylar reıtıngin jańartyp, otandasymyz Jánibek Álimhanulynyń esimin tizimnen alyp tastady. Buǵan deıingi reıtıngtiń kóshin bastap kelgen WBO jáne IBF belbeýleriniń ıegerine qatysty mundaı sheshimniń qabyldanýyna onyń dopıng synamasynan tyıym salynǵan zattardyń tabylýy sebep bolǵan, dep habarlaıdy Egemen.kz.

Qyrmyzy JUMAǴALIQYZY

Dopıng daýy: Jánibek Álimhanuly Ring Magazine reıtınginen shyǵyp qaldy

Foto: instagram/janibek_alimkhanuly

Aıta keteıik, jeltoqsan aıynyń basynda orta salmaqtaǵy qos tujyrym boıynsha álem chempıony Jánibek Álimhanulynyń dopıng-synamasynan tyıym salynǵan «meldonıı» preparaty tabylǵany belgili bolǵan edi.

Bul jaǵdaı boksshynyń mansabyndaǵy mańyzdy qadamdardyń biri – kýbalyq Erıslandı Laramen WBA tıtýly úshin ótýi tıis úshinshi belbeý úshin jekpe-jeginiń toqtatylýyna ákep soqty.

Degenmen, Álimhanuly men onyń komandasy bul aıyptaýlarmen kelispeıdi. Olar saraptama qorytyndysyn joqqa shyǵaryp, boksshynyń tamaqtaný rasıony men dárýmender keshenine eshqandaı ózgerister engizilmegenin málimdegen edi. Qazirgi tańda sportshynyń tarapy óz kinásizdigin dáleldeý maqsatynda VADA uıymynan «V» synamasyn ashýdy resmı túrde talap etti.

Týrızm jáne sport vıse-mınıstri Serik Jarasbaev boksshy Jánibek Álimhanulynyń taldaýynan dopıngtiń anyqtalýyna qatysty pikir bildirip, sportshynyń komandasyna mınıstrlik tarapynan qoldaý kórsetiletinin aıtqan edi.

Sonymen qatar Rahymjan Erdenbekov bul norma kásibı boksqa degen senimniń negizi ári sport áleminiń barlyq ókilderi úshin mindetti dúnıe ekenin aıtty.

Al beligili bapker Jumabek О́mirzaqov Jánibek Álimhanulynyń endi iri jekpe-jekter ótkizbeýi yqtımal ekenin atap ótti.