Tokıo tórindegi kelissózder: Innovasııalyq yntymaqtastyqtyń jańa kezeńi

Qalany basqarý isindegi ilkimdilik

Qasym-Jomart Toqaev pen Iýrıko Koıke sıfrlandyrý, «Smart city» tehnologııalaryn jáne qalany ornyqty damytý, jasandy ıntellekt, shahardy basqarý isine ınnovasııalyq sheshimderdi engizý salalaryndaǵy yntymaqtastyq másele­lerin talqylady. Sonymen qatar mega­polısterdiń turǵyndary men qonaqtary úshin anaǵurlym jaıly, ekologııalyq turǵydan taza, qaýipsiz jáne ınklıýzıvti orta qalyptastyrý jaıyn qarastyrdy.

Prezıdent Qasym-Jomart Toqaevtyń qatysýymen Astana qalasy­nyń ákimi Jeńis Qasymbek pen Tokıo gýbernatory Iýrıko Koıke Qazaqstan jáne Japonııa astanalary arasyndaǵy ózara túsinistik týraly memorandýmǵa qol qoıdy.

Memleket basshysy qalany basqarý isine jasandy ıntellektini engizý bo­ıynsha eki el astanalary arasyndaǵy yntymaqtastyqtyń áleýeti zor ekenine toqtaldy.

Kezdesýde Qasym-Jomart Toqaevqa Tokıo qalasynyń «Smart city» tujyrymdamasy tanystyryldy. Joba halyqtyń turmys sapasyn jaqsartýdy, shahardy basqarý tıimdiligin arttyrýdy, ornyqty damý úshin ozyq tehnologııalardy paıdalanýdy kózdeıdi.

Prezıdent Tokıonyń Tótenshe jaǵdaı­lar jónindegi ahýaldyq ortaly­ǵyn aralap kórdi. Bul azamattyq qorǵa­nys pen qaladaǵy qaýip-qaterler­diń aldyn alýdyń negizgi júıesi sanalady.

Ortalyqtyń basty mindeti – qala­daǵy ahýalǵa udaıy monıtorıng júrgizý, tótenshe jaǵdaı kezinde bılik organ­darynyń is-áreketin úılestirý, yqtı­mal qater men oryn alǵan apattar (jer silkinisi, taıfýn, sý tasqyny, iri tehno­gendik apattar, lańkestik aktiler) týra­ly aq­parattardy taldaý. BAQ pen áleý­mettik jelilerdegi jalǵan aqparattyń taralýyna qarsy is-qımylǵa basa kóńil bólinedi. Bul jumyspen táýlik boıy monıtorıng júrgizetin arnaıy bólim­she shuǵyldanady. Al kúndelikti ómirde keshen daǵdarys jaǵdaılaryn basqarý júıelerin josparlaý jáne jetildirý, azamattyq qorǵanystyń óńirlik jos­paryn ázirleý, oqý-jattyǵý jıyndaryn daıyndaý jáne ótkizý, halyqty qulaq­tandyrýǵa, apattardyń saldaryn joıýǵa arnalǵan aqparattyq júıelerdi damytý isimen aınalysady.

Investısııalyq bastamalar jaıy talqylandy

Memleket basshysy Qasym-Jomart Toqaev Tokıoda Japonııanyń iri jáne yqpaldy saýda-ınvestısııalyq korporasııasynyń biri sanalatyn «Sumitomo» kompanııasynyń prezıdenti Shıngo Ýenony qabyldady.

Qazaqstan Prezıdenti elimiz «Sumitomo» korporasııasynyń or­nyqty damý men bıznestiń jaýap­ker­shiligin art­ty­­rýǵa beıildigin joǵary baǵalaı­t­y­nyn, son­daı-aq kompanııa­ny uzaqmer­zimdi serik­tes retinde qarastyratynyn atap ótti.

Shıngo Ýeno Memleket basshysyna «Qazatomónerkásip» ulttyq kompanııasymen birlesken jobany iske asyrý jaıynda málimet berdi. Atalǵan joba ıadrolyq medısına salasynda ýran ónimderinen em-sharaǵa qoldanýǵa arnalǵan radıı ızotoptar alýdyń ǵylymı-negizdemelik ádisterin ázirleýdi qarastyrady.

Kezdesýde kólik-logıstıka, energetıka, atom ónerkásibi, metallýrgııa jáne geologııalyq barlaý salalarynda birlesken ınvestısııalyq bastamalardy júzege asyrý keleshegi talqylandy.

Geologııalyq barlaý jobalarynyń múmkindigi zor

Sodan soń Memleket basshysy Japo­nııa metall jáne energetıkalyq qaýip­sizdik jónindegi uıymynyń (JOGMEC) tóraǵasy Ichıro Takaharýdy qabyldady.

Kezdesýde geologııalyq barlaý, asa mańyzdy mıneraldardy óndirý jáne óńdeý, sondaı-aq tabıǵı resýrstardy or­nyq­ty basqarý baǵyttaryndaǵy yntymaq­tastyq keleshegi talqylandy.

Memleket basshysy «JOGMEC» kom­panııasynyń Qazaqstanda jobalardy júzege asyrýǵa qyzyǵýshylyq tanytyp otyrǵanyn joǵary baǵalady.

Sonymen qatar áńgimelesý barysynda uıymnyń elimizdegi geologııalyq barlaý jobalaryna qatysý jáne ókildik ashý múmkindikteri qarastyryldy. Prezı­denttiń pikirinshe, bul birlesken joba­lardy tıimdi úılestirýge, sondaı-aq Ja­ponııanyń óndiristik jáne tehnologııalyq kompanııalarynyń Qazaqstan naryǵyna kóptep kelýine yqpal etedi.

JOGMEC – Japonııanyń energe­tıka­lyq jáne mıneraldy shıkizat qaýip­siz­­digine jaýapty negizgi memleket­tik ıns­tı­týty. Uıym munaı, gaz, sýtegi, ammıak jáne sırek kezdesetin metaldardyń tu­raq­ty jetkizilimin qamtamasyz etetin mem­­lekettik operator mindetin atqarady.

«Mitsui»-men baılanysty keńeıtýge nıetti

Sondaı-aq Qazaqstan Prezıdenti «Mitsui» kompanııasy dırektorlar keńe­si­niń tóraǵasy Tasýo Iаsýnagamen kezdesti.

Prezıdent Qazaqstandaǵy belsendi qyzmeti jáne Japonııamen ekonomıkalyq yntymaqtastyqty nyǵaıtýǵa qosqan úlesi úshin «Mitsui» basshylyǵyna rıza­shylyǵyn bildirdi.

Qazirgi ýaqytta kásiporyn halyq­aralyq jetkizý tizbegin qalyptastyrýda, ınfraqurylymdy damytýda, energetıka men ónerkásip salalaryn óristetýde mańyzdy ról atqarady.

Memleket basshysy Qazaqstan ekono­mıkanyń negizgi sektorlarynda «Mitsui» kompanııasynyń qyzmet aıasyn keńeıtýge nıetti ekenin jetkizdi. Atap aıtqanda, kompanııanyń Astanada kúrdeli jóndeý jáne qural-jabdyqtardy qaıta qalpyna keltirý boıynsha óndiristik keshen qurylysyna qatysý josparyn maquldady.

Sondaı-aq ózara qyzyǵýshylyq tanyt­qan salalar qatarynda asa mańyzdy mıneraldar, kólik-logıstıka, tabıǵı apattardyń aldyn alýǵa arnalǵan tehnologııany engizý baǵyttary bar.

Qazaqstan Prezıdentiniń Tokıoǵa sapary aıasynda «Mitsui» kompanııasymen birqatar birlesken jobalardy júzege asyrý jóninde memorandýmǵa qol qoıý josparlanǵan.

Ýaqyt tezinen ótken seriktes

Qasym-Jomart Toqaev «Komatsu» kompanııasy dırektorlar keńesiniń tóraǵasy Hıroıýkı Ogavany qabyldady.

Kezdesýde Memleket basshysy «Komatsu» kompanııasy elimizdiń taý-ken ınfra­qurylymyn damytýǵa eleýli úles qosyp kele jatqan senimdi ári ýaqyt tezi­nen ótken seriktesi sanalatynyn atap ótti.

Prezıdent kompanııanyń Astana qalasynda tehnıkalardy kúrdeli jóndeý­ge jáne qaıta qalpyna keltirýge arnalǵan óndiristik keshen salý týraly sheshimin quptady.

Hıroıýkı Ogava strategııalyq turǵy­dan mańyzdy naryq sanalatyn Ortalyq Azııanyń áleýeti joǵary, múmkindigi mol ekenine toqtaldy. Ol jańa keshenniń aımaqtaǵy taý-ken kompanııalarynyń tehnıkalaryn az ýaqyt ishinde tómen baǵada jóndeıtin ári olarǵa jedel servıs­tik qyzmet kórsetetin óńirdegi iri habqa aınalatynyn málimdedi.

Memleket basshysynyń aıtýynsha, Qazaqstan óndiristi lokalızasııalaýǵa, elder arasyndaǵy ónerkásiptik yntymaq­tastyqty odan ári nyǵaıtýǵa, ulttyq eko­nomıkanyń básekege qabilettiligin arttyrý úshin ozyq tehnologııalar alýǵa nıetti.

Kezdesý barysynda maman daıarlaý máselesine basa mán berildi.

Qasym-Jomart Toqaev «Komatsu» kom­panııasynyń elimizde operatorlarǵa, mehanıkter men ınjenerlerge arnalǵan aımaqtyq oqytý ortalyǵyn ashý týraly bastamasyna qoldaý bildirdi. Sondaı-aq bul jobanyń adamı kapıtaldy damytýǵa, ónerkásiptik seriktestikti tereńdetýge zor úles qosatynyn aıtty.

«Komatsu» qurylys, taý-ken, jol jáne ındýstrııa salalaryna qajetti tehnıkalar óndirýge mamandanǵan álemdegi eń iri mashına jasaý korporasııalarynyń biri sanalady.

Ken oryndarynyń jumysyn jandandyrady

Qasym-Jomart Toqaev «Hitachi Construction Machinery» kompanııasynyń prezıdenti Masafýmı Senzakıdi qabyldady.

Kezdesý barysynda qazaqstandyq taý-ken kásiporyndarynyń japondyq kompanııamen yntymaqtastyǵyn keńeıtý keleshegi qaraldy.

Memleket basshysy «Hitachi Construction Machinery» kompanııasy­nyń óńirdegi basty seriktesi sanalatyn Qazaqstan ózara tıimdi baılanystardy tereńdetýge daıyn ekenin atap ótti.

Prezıdenttiń pikirinshe, aldaǵy ýaqytta ken oryndarynyń qajettiligi úshin óndiris lokalızasııasy men qural-jabdyqtardy jóndeý isine basymdyq berý mańyzdy.

Qasym-Jomart Toqaev sıfrlandyrý, «jasyl» tehnologııalardy engizý jáne derbes kólik júıesi birlesken jumys­tyń keleshegi zor baǵyttary bola alady dep sanaıdy.

Masafýmı Senzakıdiń aıtýynsha, kompanııanyń basty maqsaty – jahandyq deńgeıdegi, sonymen qatar Qazaqstandaǵy jobalardy júzege asyrý aıasynda jo­ǵary tehnologııaly, tómen kómirtekti, qaýip­siz sheshimder ázirleý ári ony óndiriste qoldaný.

«Hitachi Construction Machinery» – qurylys jáne taý-ken tehnıkalaryn shyǵa­ratyn álemdegi jetekshi kásip­oryn­dardyń biri. Kompanııanyń ekskavatorlary, karerge arnalǵan júk kólikteri jáne basqa da tehnıkalary 150-den asa elde, sonyń ishinde Qazaqstandaǵy iri ken oryndarynda jumys isteıdi.