Sapar barysynda ERG pen Mitsubishi Corporation RtM Japan Ltd gallıı jetkizilimderine qatysty uzaqmerzimdi kelisimshart jasasty. Atalǵan joba iske asqan jaǵdaıda, Qazaqstan álemdik gallıı óndirisi boıynsha ekinshi orynǵa shyǵý múmkindigine ıe bolady.
Gallıı óndirý tehnologııasy «Qazaqstan alıýmınııi» AQ Pavlodar alıýmınıı zaýytyndaǵy óndiristik eritindiler negizinde júzege asyrylady. Bul – ERG Research and Development kompanııasy ázirlegen biregeı tehnologııa. Ol negizgi ónim – glınozemniń sapasyn arttyryp qana qoımaı, strategııalyq turǵyda asa mańyzdy ári joǵary sapaly metall alýǵa múmkindik beredi.
Gallıı óndiretin jańa ýchaskeniń qurylysyna 12,5 mlrd teńgeden astam ınvestısııa quıylyp, 70 jańa jumys orny ashylady. Jańa óndiristiń jobalyq qýaty – jylyna 15 tonna. Alǵashqy ónim 2026 jyldyń birinshi toqsanynda alynbaq. Joba tolyq iske qosylǵan soń, Qazaqstan gallıı óndirý kólemi boıynsha álemdik kóshbasshylar qataryna qosylady.
ERG Dırektorlar keńesiniń tóraǵasy ári bas atqarýshy dırektory Shýhrat Ibragımov bul jobanyń strategııalyq mańyzyn atap ótti:
– Memleket basshysy Joldaýynda sırek kezdesetin metaldar men asa mańyzdy mıneraldardyń jahandyq óndiris jáne jetkizý tizbekterindegi rólin kúsheıtý qajettigin aıqyndady. Gallıı – elektronıka men zamanaýı tehnologııalar úshin asa qajet metall. Mitsubishi Corporation RtM Japan Ltd-men seriktestik otandyq óndiristi damytyp, Qazaqstannyń joǵary tehnologııalyq materıaldar naryǵyndaǵy pozısııasyn nyǵaıtýǵa múmkindik beredi, – dedi ol.
Sonymen qatar, Qazaqstan Prezıdenti Qasym-Jomart Toqaevtyń Japonııaǵa memlekettik sapary aıasynda ERG Hitachi jáne Mitsui & Co., Ltd. kompanııalarymen ózara seriktestik týraly memorandýmdarǵa qol qoıdy. Bul qujattar ozyq tehnologııalardy engizý, óndiristi jańǵyrtý, dekarbonızasııa jáne «jasyl» ekonomıkany damytý baǵyttaryn qamtıdy.
ERG pen Mitsui & Co., Ltd. arasyndaǵy memorandým taý-ken baıytý jáne metallýrgııalyq jabdyqtardy jańǵyrtý, aýyr taý-ken tehnıkasyn elektrlendirý, kúıdirý mashınalaryn modernızasııalaý arqyly kómirtegi izin azaıtý jobalary aıasyndaǵy yntymaqtastyqty kózdeıdi.
Al Hitachi Construction Machinery kompanııasymen jasalǵan memorandým karerlik tehnıkada qoldanylatyn Hitachi EH4000 júk kólikterin gıbrıdti júıege kóshirý, jasandy ıntellekt pen sıfrlyq tehnologııalardy engizý arqyly taý-ken jabdyqtarynyń tıimdiligi men senimdiligin arttyrýǵa baǵyttalǵan.
Taraptar kómirtegi izi tómen ónimderdi halyqaralyq naryqtarǵa jetkizý, logıstıka men jetkizý tizbekterin jetildirý, mıneraldy resýrstardy satý, saqtaý, kedendik jáne kólik ınfraqurylymyn damytý máselelerin birlese zerdeleýge kelisti.
Kezdesýler qorytyndysy boıynsha Shýhrat Ibragımov seriktestiktiń mańyzyn bylaı dep atap ótti:
– Jetekshi japon kompanııalarymen jasalǵan kelisimder ERG damýynyń jańa kezeńin bastaıdy. Bul áriptestik tehnologııalyq jańǵyrýdy jedeldetip, ekologııalyq taza sheshimderdi engizýge jáne qazaqstandyq ónerkásiptiń áleýetin keńeıtýge jol ashady. Qol qoıylǵan memorandýmdar Memleket basshysynyń ónerkásiptik egemendikti nyǵaıtý jáne joǵary tehnologııalyq óndiristerge kóshý jónindegi tapsyrmalaryna tolyq saı keledi, — dedi ol.
ERG aldaǵy ýaqytta da halyqaralyq seriktestermen birlese otyryp, óndiris prosesterin transformasııalaý, kómirtegi izi tómen ónimder shyǵarý jáne Qazaqstannyń mańyzdy resýrstar naryǵyndaǵy ornyn nyǵaıtý baǵytyndaǵy jumystardy jalǵastyra bermek.
