Atap aıtqanda, Kete Júsip, Turmaǵambet Iztileýuly, Aqtamberdi, Qaztýǵan, Shal aqyn men Buhar jyraýdyń shyǵarmalary kórermenge rýhanı azyq syılady. Áýezdi keshke «Halyq qazynasy» ulttyq óner ortalyǵynyń solısteri Erbolat Shaldybekov, Maqsat Medeýbek, Álıhan Dúısenbaı jáne «Astana sazy» Qazaq memlekettik folklorlyq ansambli qatysty.
«Elge keshegi atalarymyzdan qalǵan amanatty jetkizý úshin osyndaı úlken aýqymdy is-sharalardy uıymdastyryp turamyz. Bul keshti «Aldaspan» dep atadyq. Qazaq dalasynda ómir súrip, qazaqtyń rýhanııatyna ólsheýsiz úles qosqan jyraý babalarymyzdyń barlyǵynyń jyr murasy osy keshte qamtyldy. Baǵdarlamany biz solaı qurdyq», dedi «Qazaqkonsert» memlekettik akademııalyq konserttik uıymynyń kórkemdik jetekshisi Erlan Rysqalı.
