2025 jyly turǵyn úı baǵasy 15,6%-ǵa qymbattaǵan. Qarasha aıynda jańa páterdiń 1 sharshy metri 568,8 myń teńgege jetti. Jyldyq ósim ınflıasııadan joǵary bolǵanymen, aılyq ósim bar bolǵany 2,5% boldy. Bul naryqtaǵy qyzyýdyń birtindep basylyp jatqanyn ańǵartady.
Sarapshylar qarashada shamamen 40 myń satý satyp alý mámilesi tirkelgenin aıtady. Qazanmen salystyrǵanda azdaý, biraq byltyrǵy kórsetkishten joǵary. Bul suranystyń tolyq joǵalmaǵanyn, alaıda satyp alýshylardyń sheshim qabyldaýda saq bola bastaǵanyn kórsetedi.
«Baǵa dınamıkasy óńirler boıynsha árkelki. Almatyda baǵa eń joǵary deńgeıde qalyp otyr. Al Astanada bir aıda baǵa tómendep, ortasha respýblıkalyq kórsetkishke áser etti. Shymkent, Taraz, О́skemende de baǵanyń azdap tómendegeni baıqaldy. Turǵyn úı naryǵyn qazir ıpoteka ustap tur. 2025 jyldyń 9 aıynda ıpotekalyq nesıe naryǵy 25% ósti. Naryqtyń 67%-y memlekettik baǵdarlamalardyń úlesinde, al kommersııalyq ıpotekanyń úlesi 33%-ǵa deıin qysqarǵan. Qurylys kólemi artqanymen, sarapshylar qurylys materıaldary men qosalqy shyǵyndardyń qymbattaýy baǵanyń tómendeýine jol bermeı otyrǵanyn atap ótedi», deıdi Qoldanbaly ekonomıkany zertteýler ortalyǵynyń sarapshylary.
Demek keler jyly turǵyn úı baǵasy kúrt quldyramaıdy. Tek jańa Qurylys kodeksiniń engizilýi, úlestik qurylys talaptarynyń qataıýy, QQS mólsherlemesiniń ósýi, zeınetaqy jınaqtaryn paıdalaný múmkindigi baǵaǵa qosymsha qysym túsirýi múmkin.
