Foto: Ashyq derekkóz
Úkimet brıfınginde Serik Jumanǵarın ózin «salyq reformasynyń ákesi» dep ataıtyndarǵa jaýap berip, bul baǵyttaǵy jumystyń ashyqtyǵyna toqtaldy. Onyń aıtýynsha, reforma kezdeısoq boljamdarǵa emes, halyqaralyq tájirıbe men úzdik mamandardyń saraptamasyna súıenip jasalǵan.
«Mundaı mańyzdy salada eksperıment jasaýǵa eshkimniń quqyǵy joq. Bul − kofemen sáýegeılik jasaý emes. Biz bir jyl boıy bıznespen jáne qoǵammen ashyq talqyladyq. Men bul reformanyń úılestirilýi men nátıjesi úshin jaýaptymyn», dep málimdedi vıse-premer.
Mınıstr salyq mólsherlemelerin, sonyń ishinde QQS pen korporatıvtik salyqty qaıta qaraý − ekonomıkalyq turaqtylyqty saqtaý úshin álemdik tájirıbede jıi qoldanylatyn shara ekenin atap ótti.
S. Jumanǵarınniń paıymdaýynsha, basqa eldermen salystyrǵanda Qazaqstan reformany asyǵys emes, jan-jaqty talqylaý arqyly júzege asyryp jatyr.
Buǵan deıin Úkimet basshysy jańa Bıýdjet kodeksine sáıkes shaǵyn bıznesten túsetin barlyq salyq túsimi ákimdikterdiń ıeliginde qalatynyn atap ótti.
