Foto: Aqorda
Bıyl «Báıterek» ulttyq ınvestısııalyq holdıngi el ekonomıkasyna jalpy somasy 9 trıllıon teńge qoldaý kórsetken.
Qarajat bızneske járdem berýge, agroónerkásip keshenin damytýǵa, turǵyn úı qurylysy men ıpotekalyq nesıelerge baǵyttalǵan.
Sondaı-aq holdıng osy jyly respýblıka boıynsha 25 myńǵa jýyq jobany qarjylandyrǵan.
Rýstam Qaraǵoıshın kezdesý barysynda «Damý» qory bazasynda qurylǵan kepildik qorlarynyń qyzmet nátıjelerin tanystyrdy.
Atalǵan qorlar shaǵyn jáne orta bıznes jobalaryn, sondaı-aq óńdeý ónerkásibi men ınfraqurylym salalaryndaǵy iri ınvestısııalyq bastamalarǵa kómek kórsetedi. «Báıterek» ulttyq ınvestısııalyq holdınginiń basqarma tóraǵasy ınvestısııalyq holdıngtiń jumys modeli týraly da málimdedi.
Bul «Investısııaǵa tapsyrys» qalyptastyrý, iri strategııalyq jobalardy súıemeldeý, sondaı-aq tikeleı sheteldik ınvestısııalardy tartý tetikterin damytýdy qarastyrady.
Qazir jalpy quny 87 trıllıon teńgege jýyq, 1,5 myń ınvestısııalyq jobadan turatyn pýl jasaqtaldy.
Prezıdent ınvestısııalar tartý jáne ekonomıkanyń naqty sektoryn qarjylandyrý aıasyn keńeıtýdiń mańyzyn atap ótip, «Báıterek» holdıngine basym ınvestısııalyq jobalardy odan ári iske asyrýdy jáne ekonomıkaǵa uzaq merzimdi kapıtal tartýdy qamtamasyz etý boıynsha tapsyrma berdi.
