Foto: istockphoto.com
Metro jelileri qalaı ózgeredi?
Jobaǵa sáıkes, metro qalanyń barlyq aýdanyn qamtıtyn birneshe jańa baǵytpen tolyǵady:
- Qalany aınalatyn saqınaly jol: Jasyl jeli áýejaıdan bastalyp, Túrksib, Jetisý, Alataý jáne Naýryzbaı aýdandaryn basyp ótedi. Sodan keıin Jandosov pen Tımırıazev kósheleriniń boıymen júrip, qalanyń ortalyq bóligimen qaıta túıisedi.
- Áýejaıǵa baratyn sary jeli: Bul baǵyt «Jibek joly» stansııasynan bastalyp, Gogol kóshesi men Qulja tasjoly arqyly áýejaıǵa jetedi. Qazirdiń ózinde bul qurylys úshin 93 jer telimin memleket muqtajyna alý týraly sheshim shyqqan.
- Eki vokzal arasyndaǵy baılanys: Qyzyl jeli «Raıymbek» stansııasynan Seıfýllın dańǵyly boıymen «Almaty-1» vokzalyna deıin sozylady.
- Soltústik baǵyt: Kúlgin túspen belgilengen úshinshi jeli «Saıran» stansııasynan Soltústik aınalma joly arqyly jańadan qurylǵan Alataý qalasyna deıin barady.
Qurylys qashan aıaqtalady?
Ákimdik málimetinshe, 2026 jyly «Qalqaman» stansııasy ashylady. Sondaı-aq sol jyly birinshi jeliniń sońǵy núktesi – «Barlyq» bazaryna deıingi ýchaskeniń qurylysy bastalyp, 3 jylda aıaqtalady dep kútiledi. Al qalǵan barlyq baǵyttardy kezeń-kezeńimen 2040 jylǵa deıin iske qosý josparlanǵan.
Almaty metrosynyń «Qalqaman» stansııasy merziminen buryn paıdalanýǵa beriledi
Aıta keteıik, metro qurylysy úshin Almaly, Medeý jáne Túrksib aýdandaryndaǵy birqatar nysan súriledi. Turǵyndar jobanyń tolyq shemasymen Sáýlet jáne qala qurylysy basqarmasynyń saıtynda tanysa alady.
