ER MEREII – EL MEREII

Qazaqstandyqtar men Dostastyq elderiniń ókilderi Elbasymyzdy quttyqtaýda Memleket basshysynyń atyna Elorda kúnine jáne Qazaqstan Respýblıkasynyń Prezıdenti Nursultan Ábishuly Nazar­baev­tyń mereıjasyna baılanysty Qa­zaq­stan azamattary men uıymdarynan kóptegen quttyqtaý jedelhattar men hattar kelip túsýde. “Siz bizdiń respýblıkamyzdyń damýyna jáne órkendeýine baǵa jetkizgisiz úles qostyńyz, Sizdi – Elbasy dep taný, sondaı-aq, Sizdiń atyńyzben halyqaralyq deńgeıdegi jańa ýnıversıtettiń atalýy – Sizdiń qyzmetińizge berilgen laıyqty baǵa”, – dep jazady Qazaqstan Respýblıkasynyń halyq ártisi, 94 jastaǵy aqsaqal Oraz Ábishev. Uly Otan soǵysynyń ardageri, Sosıalıstik Eńbek Eri, óskemendik Boshaı Kitapbaev Tuńǵysh Prezıdentke degen júrekjardy tilegin bil­dirgen hatynda: “Elimizdiń búgingi órkendeýi, táýelsizdigimizdiń tuǵyrlanýy, eldigimizdiń álemge jarııa bolýy – Sizdiń arqańyzda! Beı­bit elimiz damyp, órkendeı bersin!”, – dep jazady. Belgili qoǵam qaıratkeri Maqtaı Saǵdıev te Memleket basshysyn 70 jasqa tolǵan mereı­toıy­men aǵynan jaryla quttyqtapty: “Jet­piske árkim keledi. Biraq taǵdyrdyń jazýymen, táńirdiń syıymen Qazaq eli tarıhynyń eń bir tolaǵaı tulǵasyna aınalǵan Sizdiń jetpisińizdiń jóni bólek. О́ıtkeni, táýelsiz Qazaqstannyń jańa tarıhy túgeldeı Sizdiń esimińizben baı­la­nysty. Jastaıyńyzdan atqa qondyńyz. Úlken shyńdalý mektebinen óttińiz. Sóıtip, tarıhtyń syn saǵaty soqqanda týǵan halqy­ńyzdyń kóregen kóshbasshysyna, tuǵyry bıik qaı­ratkerine aınaldyńyz. Halqyńyzdy talqy­sy mol qıyndyqtardan alyp shyǵatyn, nurly bo­lashaqqa bastaıtyn tarıh tańdaýy Sizge tústi”. Kóptegen quttyqtaýlar eńbek jáne soǵys ardagerlerinen keldi. Olardyń qatarynda Jambyl oblysynan Uly Otan soǵysynyń ardageri A.О́teýlın, Astanadan tyl ardageri Aıman Nurqasymova, Ońtústik Qazaqstan oblysyndaǵy Qazyǵurt aýdanynyń qurmetti azamaty Edigen Júnisbekov, Almaty obly­syndaǵy Raıymbek aýdanynyń qurmetti aza­maty Sovet Orazaev, Oraldan Temirbolat Qu­bashev, astanalyq zeınekter Sosıal Qumartegi jáne Qyzylordadan T.Syrlybaev bar. Prezıdentti “Astana qalasyndaǵy zeınet­kerler qoǵamy” qoǵamdyq birlestiginiń dırek­tory Alla Pýstorjevskaıa quttyqtady. “Ýaqyt Sizdiń dana kóregendigińizben 1998 jyly astanany Qazaqstannyń ortalyǵyna aýystyrý týraly batyl sheshimińizdiń durystyǵyn dá­leldedi. Álemdik daǵdarystyń aýyr jyl­da­ryn­da qatal dala tósinde, oblys ortalyǵy – Aqmo­lada qysqa merzimde, sóz joq, ǵajaıyp, beı­ne-bir ertegidegideı Sizdiń armanyńyzdaǵy qala ornyqqany tańdandyrady”, – delingen onyń hatynda. Almaty qalasynan hat joldaǵan Sultan Jıenbaev Elbasynyń elordany Arqa tósine kó­shirýdegi erligine rızalyǵyn bylaı jetki­zipti: “Kezinde astanany Almaty qalasynan Aqmolaǵa aýystyrýdyń mánin kóp adam túsinbedi, biraq ýaqyt bul sheshimniń oryndy bolǵanyn dáleldep berdi. Bul máselede Sizdi saz batpaqtyń ústine keremet qala turǵyzǵan I Petrmen ǵana salystyrýǵa bolady”. Atyraýdan soǵys jáne eńbek ardageri Ońaıbaı Kóshekov, eńbek ardageri Amangeldi Sel­baev jáne kompozıtor Ilıa Jaqanov ujym­dyq quttyqtaý joldaǵan. “Búginde san-salaly damýymyzdyń órleýine basshylyq etip, Qazaqstannyń bedelin búkil álemge tanytyp, bolashaǵymyzdy jarqyn etip, ultymyzdyń shyn mánindegi kemeńger kóshbasshysyna aı­nal­dyńyz. Biz Siz bastaǵan tarıhı uly isterdiń ortasynda júrgenimizdi maqtan tutamyz jáne bar kúsh-jigerimizdi Siz kórsetken mindetterdi oryndaýǵa arnaımyz”, – delingen hatta. Prezıdent poshtasynda eńbek ujymdary­nan kóptegen quttyqtaýlar bar. Olardyń qatarynda Úlbi metallýrgııalyq zaýytynyń ujymy, “Semeı máshıne jasaý zaýyty” AQ, sondaı-aq, О́skemen qalasynan “Kemont” AQ jumysshylary men Petropavl qalasynan “Vınzavod” JShS eńbekkerleri bar. Quttyqtaý jedelhattaryn “Qazfosfat” JShS basqarma tóraǵasy Maqsutbek Esenov pen bas dırektory Muqash Iskandırov, “Vostokmashza­vod” AQ bas dırektory Leonıd Berdýs, Mańǵystaý oblysynan eńbek sińirgen munaıshy Qýanyshnııaz Toqpanov, “Azıa-avto” AQ Dırektorlar keńesiniń tóraǵasy Anatolıı Balýshkın men osy AQ-tyń prezıdenti Erjan Mandıev joldady. Qazaqstan Respýblıkasy Kásipodaqtar federasııasynyń tóraǵasy Sııazbek Muqashev bylaı dep oı tolǵapty: “Memleketimizdiń múd­desi úshin naǵyz tarıhı sheshimder qabyldap kele­siz. Sizdiń qol jetkizgen jetistikterińiz tek qana Qazaqstan halqynyń emes, musylman jáne túrki tildes elderdiń de ortaq maqtany­shyna aınalyp otyr. Oǵan biz kýámiz. Búgingi jetistikterimiz – erteńgi tolaǵaı tabystary­myz­dyń irgetasy. Onyń abyroımen atqarylýy – Siz bastaǵan Qazaqstannyń barsha azamat­tarynyń mártebeli mindeti”. “Meniń anam Reseıde turady. Men Qazaqstan týraly, shyǵarmashylyǵymdy júzege asyra alatyn meniń qalam Aqtaý týraly oǵan aıtqanymda, ol qýanady. Meniń anam maǵan: – Vera, shyn máninde, sen uly elde ómir súrip jatyrsyń! – deıdi. Men osyndaı elde turyp jatqanyma baqyttymyn jáne mundaı baqytty meniń balalarym da sezinse eken deımin”, – dep jazady Aqtaý qalasynan Vera Bındıýg. Memleket basshysynyń atyna hattar Mańǵystaý oblysyndaǵy balalar quqyǵyn qorǵaý jónindegi departament dırektory Klara Shkodınadan, oblystyq ardagerler keńesiniń múshesi, Aqtaý qalasynyń qurmetti azamaty Jámıla Ǵabıtovadan, ekonomıkalyq lıseı dırektory Lıýdmıla Rıabovoıdan, sondaı-aq bokstan álem chempıony Erdos Jańaber­genovten keldi. Olar: “Bizdiń elimizdiń jáne súıikti elordamyz – Astananyń jańǵyrýy, ekonomıkalyq, saıası jáne áleýmettik saladaǵy jetistikter aýqymy maqtanysh pen patrıotızm sezimin týdyrmaýy múmkin emes. Eń bastysy, Sizge – bizdiń Prezıdentimizge – Elbasyna alǵysymyz sheksiz”. “Elimizde Siz ornatqan beıbitshilik pen kelisim arqasynda árbir qazaqstandyq ár salada óziniń qabiletin tanytyp, jemisti eńbek etý múmkindigine ıe boldy. Sizdiń sarabdal saıasatyńyzdyń shapaǵaty tıgen kóptiń biri men sońǵy 20 jylda 5 roman jazyp, jaryqqa shyǵardym. Kóp kóńilinen shyqqan kórkem shyǵarmalarymnyń aldy Parıjde, Máskeýde, sońy Orta Azııa respýblıkalarynda jeke kitap bolyp shyǵyp, álemniń áıgili ádebıetshilerinen joǵary baǵa aldy. Sol jetistikterim úshin Sizge, Sizdiń elimizdi órkendetken dana saıasa­ty­ńyzǵa qaryzdarmyn. Olaı deıtinim, Otanymyz 20 jylda 20 ǵasyrlyq tabysqa jetpese, keıbir elder qusap bereke, birlikten aıyrylyp qalsa, munshalyqty ónimdi eńbek ete almas edim”, – deıdi óziniń Elbasyna Almatydan joldaǵan quttyqtaý hatynda jazýshy Sábıt Dosanov. “Qazrena” Qazaqstannyń ǵylymı-aǵar­týshylyq kompıýterlik jelisin paıdalaný­shylar qaýymdastyǵynyń atynan Nursultan Ábishulyn merekesimen dırektor Borıs Japa­rov quttyqtaıdy. “Sizdiń halyqaralyq aýqym­daǵy strategııalyq maqsattarǵa jetýdegi joǵary bedelińizdiń, alǵyr da dana saıasatyńyzdyń arqasynda bizdiń qaýymdastyq maqsaty Ortalyq Azııa men Zakavkaze elderinde ǵylym men bilim salasyn qoldaý bolyp tabylatyn NATO-nyń Ǵylym komıtetiniń “Beınelik Jibek joly” jobasyna qatysatyn boldyq”, – delingen onyń hatynda. Akademık Ǵaırat Saparǵalıev óz quttyq­taýyn­da bylaı dep jazady: “Siz – jańa mem­le­ketti qurýshysyz. Sizdiń ıdeıańyz ben is júzin­degi basshylyǵyńyz arqasynda Qazaqstan órkendedi. Halyq eren jetistikterdiń bárine Sizdiń ıdeıańyzben jáne is júzindegi basshy­lyǵyńyzben qol jetkizdi. Siz, Nursultan Ábish­uly, halyqaralyq deńgeıdegi tanymal saıasatkersiz”. Sondaı-aq, Túrkistan qalasynda turatyn ardaqty aqsaqalymyz, QR Ulttyq ǵylym akademııasynyń akademıgi Rahmanqul Berdibaı óziniń jedelhatynda Elbasyn mereıtoıymen qyzý quttyqtaı kele, aq batasyn bylaısha aqtarypty: “Halqymyzǵa asa qadirli, daryndy Prezıdentimiz Nursultan! Mereıtoıyń qutty bolsyn! О́mir-jasyń uzaq bolsyn! Alǵa qoıǵan maqsattaryń oryndala bersin!” QR Ulttyq ǵylym akademııasynyń akade­mıkteri Serik Qırabaev pen Álııa Beısenova da Memleket basshysyn jetpisti baǵyndyrǵan mereıli kúnimen quttyqtap, jedelhat joldap­ty. “Táýelsiz Qazaqstannyń ornyǵýy men búgingi jetken bıigi túgeldeı Sizdiń adal eń­begińiz. Halqyńyz qurmettep, Elbasy atandyr­dy. Uzaq ómir súrip, elińizdi alǵa bastaı berýi­ńizge tilektespiz”, – dep jazady akademıkter. “Asa qurmetti Nursultan Ábishuly, Sizdiń eńbek jolyńyz – óz halqyna, onyń múddesine minsiz qyzmet jasaýdyń jarqyn mysaly. Siz – jańa qoǵamdyq qurylys, jańa memleket, jańa Qazaqstan qurǵan Elbasysyz. Sizdiń pre­zıdenttik qyzmetińizdi álem joǵary baǵalady, bizdiń halqymyz óz bolashaǵyn Sizben baı­lanystyra qaraıdy”, – dep jazady Qaraǵandy qalasynyń qurmetti azamaty S.Dosmaǵambetov. Elorda kúnimen jáne Prezıdenttiń mereı­jasymen áleýmettik jáne bilim salasynyń qyzmetkerleri quttyqtaıdy. Olardyń qataryn­da Almaty qalasynyń balalar quqyǵyn qorǵaý jónindegi departamentiniń qyzmetkerleri, “Korreksııalyq pedagogıka ulttyq ǵylymı-prak­tıkalyq ortalyǵy” MM ujymy, KSRO medı­sınasynyń úzdigi Qultas Áshirbaev, Soltústik Qazaqstan oblysynyń Qyzyljar aýda­nyndaǵy Beskól orta mektep-gımnazııa­synyń ustazdary, Astana qalasyndaǵy ınter­nat-úıiniń dırektory B.Narbaev, OQO balalar quqyǵyn qorǵaý jónindegi departament dırektorynyń mindetin atqarýshy D.Máýlenov, Qostanaı qalasy orta mektebiniń túlekteri, Besqaraǵaı aýylyndaǵy balalar baqshasy tárbıelenýshileriniń ata-analary bar. О́z quttyqtaýlaryn, sondaı-aq M.Ospanov atyndaǵy qoǵamdyq qor, Qazaqstan halqy Assambleıasynyń Shyǵys Qazaqstan oblysy, Semeı qalasy boıynsha Qoǵamdyq keńesiniń tóraǵasy Anatolıı Eremenko, “Jasyl el” jas­tar eńbek otrıadtary respýblıkalyq shtabynyń jetekshisi Iskandır Salıhodjaev, Aqmola obly­syndaǵy “Halyqqa qyzmet kórsetý orta­ly­ǵy” MM ujymy, D.A.Qonaev atyndaǵy ha­lyqaralyq qordyń prezıdenti Eldar Qonaev joldaǵan. Memleket basshysynyń atyna kóptegen hattar men jedelhattar qarapaıym qazaqstan­dyqtardan – Taldyqorǵannan Shahnazar Er­lanuly, Almatydan Nurtileý Bátiruly, Pav­lodardan Serǵazy Qyryqbaev, Aqtaý qalasynan Elaman Ońdaǵanov, Mańǵystaý oblysynan Shynar Kendinqyzy, Joldasbek Yntymaqov, Shyǵys Qazaqstan oblysy Rıdder qalasynan K.Estaeva, Almatydan Ermek Qaıyńbaıuly men Svetlana Saǵyndyqqyzy, О́skemennen Erkesh Beısenova, Semeı qalasynyń turǵyndary G.Bogomolova men B.Botantaeva, kóp balaly otbasy Qaltaevtar, Iteǵulovtar, Qapyshevtar, Ydyrysovtar otbasynan, Shyǵys Qazaqstan oblysy, Úrjar aýdanynyń turǵyndarynan, sondaı-aq Shyǵys Qazaqstan oblysy, Shemonaıha aýdanyndaǵy “Qamysty” sharýa qojalyǵynyń jetekshisi V.Akýlovtan keldi. Shyǵys Qazaqstan oblysy, Zaısan aýdany­nan Aýdandyq aqsaqaldar alqasynyń tóraǵasy, eńbek ardageri Tutqan Myrzahanov, Uly Otan soǵysynyń ardageri Baıǵanbek Qudabaev, ja­zýshy Qalıbek Altybaevtar da jedelhat jol­dap, Memleket basshysyn aýdandaǵy aqsaqal­dar atynan quttyqtapty: “Bıylǵy jyly Qa­zaqstan Eýropadaǵy qaýipsizdik jáne ynty­maqtastyq uıymynyń tóraǵasy retinde bıik tu­ǵyrǵa kóterildi. Azııa, TMD elderiniń arasynda alǵashqy bolyp Eýropa tórine shyqty. Batys ta, Shyǵys ta moıyndap, sanasatyn, qurmetteıtin el boldyq. Bul – eldiń Tuńǵysh Prezıdenti, ultymyzdyń uly perzenti, adamzat tarıhynan laıyqty oryn alatyn – Sizdiń eren eńbegińizdiń nátıjesi”. Al Shymkent qalasynan tilek bildirýshiler – oblystaǵy Azamattyq alıans prezıdenti  K.Alıpova, Balalar quqyǵyn qorǵaý departamentiniń dırektory Ǵ.Júsipova, Saıası qýǵyn-súrgin qurbandary murajaıynyń dırektory, belgili aqyn H.Esenqaraeva jáne álemge áıgili gımnast Á.Iýsýpova: “Qazaqstan halqynyń damyǵan eldermen ıyq tiresip, ozyq ult ókilderimen terezesi teńelgenin árbir qazaqstandyq Elbasynyń kóregendikpen júrgizgen sara saıasatynyń arqasynda kelgen baq dep biledi”, – deıdi quttyqtaýshylar. Qazaqstannyń halyq ártisi, belgili sazger Bazarbaı Jumanııazov ta aqtarylyp shyqqan aq tilegin jedelhat arqyly joldaı otyryp: “Dáýirdiń ǵulama, darhan danasy, qazaqtyń baǵyna týǵan qudiretti qyranym, toqtama, samǵaı ber, samǵaı ber!”, – dep jigerge toly sóz arnapty. Taǵdyr taýqymetimen dúnıeniń túkpir-túkpirine tarydaı tarap ketken, Ata­jurt­tan jyraq júrse de ondaǵy jańalyqqa qulaǵyn túrip, eleńdep otyratyn qan­das­tardan da quttyqtaýlar kóptep kelýde. Solardyń birinde: “Memlekettik “Mádenı mura” baǵdarlamasynyń aıasynda Mońǵolııa­daǵy qazaqtardyń mádenıetin zertteý, jınaqtaý, qaıta jańǵyrtýda dáıekti sharalar júzege asyrylsa eken. Halqyńyzben birge baqyt pen berekege kenele berińiz”, – dep tilek bildiripti Mońǵolııanyń Baıan-О́lgeı aımaǵynan ustaz Ǵazıza Saǵdoldaqyzy. Memleket basshysynyń poshtasyna keńeıtilgen korrespondensııalar TMD elderiniń resmı adamdarynan, azamattar men uıymdardan kelip tústi. Reseı Federasııasy Federaldyq Jınalysy Federaldyq Keńesiniń tóraǵasy S.M.Mıronov Memleket basshysyn 70 jyldyq mereıjasy­men shyn júrekten quttyqtady. “Federaldyq Keńeste Sizdi Reseı Federasııasy men Qazaq­stan Respýblıkasy arasyndaǵy ózara tıimdi yntymaqtastyqtyń barlyq salasyn odan ári damytýǵa úlken úles qosqan dana memleket qaıratkeri retinde jaqsy biledi, – dep jazady óziniń quttyqtaý jedelhatynda S.M.Mıronov. – Sizdiń ómirlik jáne memlekettik qyzmettegi mol tájirıbeńiz Reseı men Qazaqstannyń strategııalyq áriptestigin alǵa aparatynyna, ShYU, UQShU, EýrAzEQ, Keden odaǵy, ózge de halyqaralyq uıymdardyń aıasyndaǵy ıntegra­sııalyq úderister men odaqtastyq ózara is-qımyldy tereńdete túsetinine senemin”. Ýkraına Mınıstrler Keńsesiniń atynan jáne jeke óz atynan Qazaqstan Prezıdenti N.Á.Nazarbaevty mereıtoıymen Ýkraına Premer-Mınıstri N.A.Azarov shyn júrekten quttyqtady: “Sizdi Ýkraınada óz eńbegimen jáne qaıratty kúsh-jigerimen, bastamashyldy­men jáne tabandylyǵymen Qazaqstan Respýb­lıkasyn damytýǵa, sondaı-aq ózara tıimdi halyqaralyq yntymaqtastyqtyń belsendiligin arttyrýǵa baǵa jetkizgisiz úles qosqan kórnekti memleket qaıratkeri, talantty uıymdastyrý­shy jáne basshy retinde biledi jáne qurmet­teıdi. Sizdiń halyqtyń ıgiligi jolyndaǵy belsendi jáne tabysty qyzmetińiz óz Otanyna qyzmet kórsetýdiń úlgisi bolyp tabylady”. Ýkraına Úkimetiniń basshysy Nursultan Nazarbaevqa myqty densaýlyq, uzaq baqytty ǵumyr, otbasylyq qýanysh, beıbitshilik pen jańa jetistikter tilegen. Tatarstan Respýblıkasynyń Prezıdenti Rýstam Mınnıhanov Nursultan Nazarbaevty 70 jyldyǵymen shyn júrekten quttyqtady. “Qazaq memlekettiginiń barlyq jańa tarıhy – shyn mánindegi ulttyń kóshbasshysy, tájirı­beli, kóregen saıasatker jáne memleket qaı­ratkeri, bedeli Qazaqstannyń aýmaǵynan tys­qary jaıylǵan Sizdiń atyńyzben baılanysty. Týǵan halqyńyz ben elimiz úshin prezıdenttik eki onjyldyqta Sizdiń atqarǵanyńyz úlken áser qaldyrady, – dep atap ótken óz hatynda baýyrlas Tatarstan basshysy. – Qazaqstannyń úni barlyq kezde jáne halyqaralyq arenada salmaqty shyǵady”. R.Mınnıhanov tatarstan­dyqtardyń atynan jáne jeke óz atynan N.Nazarbaevqa kópǵasyrlyq dástúrli dostyq pen Qazaqstan men Tatarstan halyqtary ara­syndaǵy týystyqty nyǵaıtýǵa qosqan úlesine shynaıy qurmeti men dán rızashylyǵyn aıtqan. Nursultan Nazarbaevtyń mereıjasyna sondaı-aq Tatarstannyń Tuńǵysh Prezıdenti Mıntımer Shaımıevten quttyqtaý hat keldi. “Men kóp jyl boıy Sizben – shyn mánindegi planetarlyq deńgeıdegi saıasatkermen qyzmet jasasý jáne aralasý baqytyn syılaǵan taǵdyryma rızamyn, – dep jazady Mıntımer Shaımıev. – Men bizdi tek iskerlik qana emes, sol sııaqty dostyq, bizdiń halyqtarymyzdyń arasyndaǵydaı baýyrlastyq qarym-qatynastar baılanystyratynyn maqtan tutamyn. Tatarstan úshin eń qıyn saıası kezeńde Siz túsinistik tanytyp, belsendi qoldaý kórsettińiz. Siz postkeńestik keńistiktegi jańa geosaıası júıeniń qurylýyna zor úles qostyńyz. Siz Qazaqstannyń gúldenýin qamtamasyz ettińiz”. Mıntımer Shaımıev Qazaqstan Prezıdentine zor densaýlyq pen uzaq ǵumyr, sergektik pen optımızm, barlyq oıǵa alǵandarynyń oryndalýyn tilegen. Bizdiń Memleketimizdiń basshysyn 70 jyldyq mereıjasymen shynaıy yqylasty jáne shyn júrekti quttyqtaýlaryn Reseı Federasııasy Esep palatasynyń tóraǵasy S.V.Stepashın joldaǵan. S.V.Stepashın óz hatynda Nursultan Nazarbaevty eldiń kelbetin múlde ózgertken aýqymdy reformalar men jańǵyrtýlardy júzege asyrý baǵytyn jıyrma jyl boıyna batyl jáne maqsatty túrde júrgizip kele jatqan qazirgi zamanǵy kórnekti memleket qaıratkeri dep ataǵan. Nursultan Nazarbaevtyń atyna onyń 70 jyldyǵymen quttyqtaý jedelhattary EýrAzEQ PAA jaýapty hatshysy P.B.Zverevten, Reseı Federasııasy Federaldyq Jınalysy Fede­raldyq Keńesiniń músheleri V.B.Rýshaılo men V.S.Babıchevten, TMD atqarýshy komıtetiniń tóraǵasy-atqarýshy hatshysy S.Lebedevten keldi. UQShU-dyń bas hatshysy N.Bordıýja N.Á.Nazarbaevtyń 70 jyldyq mereıjasy qurmetine oraı joldaǵan óziniń quttyqtaý hatynda bylaı dep jazady: “Sizdiń UQShU-dyń jumysyna, onyń bedelin arttyrýǵa baı­lanysty maqsattar men mindetterdi alǵa jyl­jytýdaǵy ózekti máselelerdi is júzinde sheshýde kórsetken udaıy jáne belsendi kómegińizge dán rızamyn. Shyn júrekten shyqqan jáne shynaıy yqylasqa toly quttyqtaýym men Sizdiń kóp qyrly qyzmetińizde jańa tabystar tilegen ıgi tilegimdi qabyl alyńyz”. Reseı Federasııasynyń Chelıabi oblysynyń gýbernatory M.V.Iýrevıch Qazaqstan Prezı­dentin mereıtoıymen quttyqtady: “Biz Siz arqyly tek kóregen saıasatkerdi ǵana emes, qazaq halqynyń laıyqty ulyn tanımyz. Sizdiń iske degen memlekettik qadamyńyz, kóregendik pen patrıotızmińiz Qazaqstan Respýblı­ka­synyń odan ári damýyna qyzmet etetin bolady”. Bizdiń Memleketimiz basshysynyń atyna ujymdyq quttyqtaýlar reseılik ǵalym-eko­nomıster keńesiniń otbasynan – G.E.Lashshına, D.V.Valov, T.D.Valova men M.D.Valovadan keldi. “Sizdiń ómirińiz kitapqa turarlyqtaı. Bul barlyǵyna tek qana eńbegimen jáne talantymen jetken naǵyz adamnyń tarıhy”, – dep jazady reseılik ǵalymdar. Nursultan Ábishuly Nazarbaevty 70 jyldyq mereıjasymen yqylasqa toly quttyqtaýlar Ýkraınadan – Sınelnıkovo qalasynyń basshysy A.N.Matveevten jáne Dneprodzerjınsk qalasynyń qurmetti azamaty O.N.Morozdan kelip tústi. Reseıdiń Astrahan oblysyndaǵy qazaq­tardyń, “Joldastyq” qazaq mádenıeti men tili qoǵamy jáne Qazaq mádenıetin damytý qory atynan Qazaqstan Prezıdenti Nursultan Na­zarbaevty mereıjasymen Astrahan qalasynyń turǵyny N.Iskakov quttyqtaǵan.