Foto: Ashyq derekkóz
Memleket basshysynyń sózinshe, jasandy ıntellekti men sıfrlyq ekonomıka – damyǵan elderge tán basty úrdis.
«Men úsh jyl ishinde Qazaqstan sıfrlyq el bolý kerek degen maqsatty aıqyndadym. Jasandy ıntellekti men sıfrlyq ekonomıka – damyǵan elderge tán basty úrdis. AQSh jáne Qytaı – bul saladaǵy eń ozyq elder. Qazaqstan da órkenıettiń dańǵyl jolynan shet qalmaýy kerek. Sondaı jaǵdaı bolsa, keler urpaq bizdi keshirmeıtini sózsiz. Ondaı qatelikke jol bermeımiz», dedi Qasym-Jomart Toqaev.
Prezıdenttiń aıtýynsha, bul máselege qatysty alda aýqymdy jumys kóp.
«Joldaýymda men osy taqyrypqa kóp zeıin qoıdym. Qazirgi tańda Úkimet belsendi jumysqa kiristi, biraz joba iske asyryldy, biraq aldymyzda aýqymdy jumys bar. Aldaǵy jyl shyn máninde úlken betburys jyly bolady. Túbegeıli ózgeristerdiń jańa kezeńi bastalady. Bul týraly keıinirek jarııalap aıtamyn. Bárimizdiń maqsat-múddemiz – ortaq. Bul – Ádiletti, Qaýipsiz, Kúshti jáne Taza Qazaqstandy qurý. Eń bastysy, elimizdiń yntymaq-birligi myqty bolýy kerek. Memleket pen qoǵam birlesip, tyǵyz baılanysta jumys isteýi qajet. Bir el, bir halyq bolyp, jumyla bilsek, mindetti túrde maqsatymyzǵa jetemiz», dedi Memleket basshysy.
Eske salaıyq, búgin Memleket basshysy Jambyl oblysyna jumys saparymen bardy. Onda Prezıdent farmasevtıkalyq kásiporyndardyń qyzmetimen tanysty.
