- Shýche qalasynda shańǵydan elimizdiń kýbogi ótip jatyr. Jarysta respýblıkamyzdyń 11 óńirinen kelgen 150-den asa sportshy baq synaýda. Sprınt baǵdarlamasynda bas júldeni Konstantın Borsov oljalasa, kúmis medaldy Sultan Bazarbekov ıelendi. Dastan Qalybekovke qola medal buıyrdy. Áıelder saıysynda Anna Melnık altynnan alqa taqsa, Nadejda Stepashkına kúmispen kúpteldi. Darıa Rıajko úzdik úshtikti túıindedi. Sodan soń skıatlonshylar saıysqa tústi. Bul básekede Ámirǵalı Muratbekov pen Nadejda Stepashkınanyń mereıi ústem boldy.
- 2026 jylǵy 19-24 qańtar aralyǵynda shaıbaly hokkeıden Ystanbulda (Túrkııa) ótetin qyzdar arasyndaǵy (U18) álem birinshiliginiń kestesi jarııalandy. V dıvızıonynyń joldamalary sarapqa salynatyn jarysta elimizdiń quramasy 19 qańtarda Jańa Zelandııamen, 20 qańtarda Latvııamen, 22 qańtarda Túrkııamen, 23 qańtarda Nıderlandpen, 25 qańtarda Ońtústik Koreıamen sheberlik baıqasady. Aldaǵy dodada joǵary toptan shyǵyp qalǵan Ońtústik Koreıa quramasy eń myqty qarsylas bolmaq. Sonymen qatar Qazaqstan jasóspirimder quramasynyń bapkerler shtaby álem chempıonatyna daıyndyq josparyn bekitti. 4 qańtarda komanda О́skemen qalasynda jınalyp, oqý-jattyǵý jıyndarynyń alǵashqy kezeńin ótkizedi. Al 14-18 qańtar aralyǵynda daıyndyq Túrkııada jalǵasyp, bir joldastyq kezdesý josparlanǵan.
- Eýropalyq tennıs qaýymdastyǵy (Tennis Europe Tour) jyl qorytyndysyn shyǵardy. Úzdikter qatarynda 14 jastaǵy qazaqtyń jas daryny Ahmadı Mahanov ta bar. Ol «Jyldyń sheteldik oıynshy» atalymynda ozdy. Osy maýsymda Ahmadı Shvesııa astanasy Stokgolmde uıymdastyrylǵan Korol kýboginiń «Sýper» sanatyndaǵy týrnırinde top jardy. Juptyq oıynda «Avenıý kýbogi», «Tım Esson», «Brselav Oýpen» dodalarynda daralandy. Sondaı-aq Tennis Europe serııasyndaǵy saıystyń fınalynda óner kórsetti.
