Foto: istockphoto.com
Básekelestikti qorǵaý jáne damytý agenttiginiń Shymkent qalasy boıynsha departamenti bıyl 7 tergep-tekserý sharasyn júrgizdi. Tekserý qorytyndysy boıynsha, Shymkent áýejaıynyń avıaotyndy satý qyzmetinde zań buzýshylyqtar anyqtaldy. Áýejaı ádeıi joǵary baǵa qoıý arqyly negizsiz tabys tapqan. Iste qylmystyq quqyq buzýshylyq belgileri bolǵandyqtan, barlyq materıaldar Ekonomıkalyq tergep-tekserý departamentine joldanǵan.
Sonymen qatar «Shymkent» áleýmettik kásipkerlik korporasııasynyń (ÁKK) da zańsyz áreketteri áshkerelendi. Anyqtalǵandaı, ÁKK «Kazsbytgrýpp» JShS-men kelisimshart jasasyp, qalanyń ındýstrııalyq aımaqtaryn energııamen qamtýdan túsken tabystyń 50%-dan astamyn óz paıdasyna alyp otyrǵan. Bul áreketi arqyly naryqqa basqa sýbektilerdiń kirýine kedergi keltirip, básekelestikti shektegen. Nátıjesinde korporasııaǵa 14 mln teńgeden astam aıyppul salynyp, bıýdjetke tolyq óndirilgen.
Jalpy departament óndirgen aıyppuldardyń somasy búginde 36 mln teńgeden asty.
