Foto: Ashyq derekkóz
Minval basylymy jazǵandaı, Ázerbaıjan Respýblıkasynyń Syrtqy ister mınıstri Djeıhýn Baıramov Reseı Federasııasy Tergeý komıtetiniń tóraǵasy Aleksandr Bastrykın joldaǵan qylmystyq isti toqtatý týraly hat Baký úshin kútpegen jaǵdaı bolǵanyn aıtty.
Mınıstrdiń aıtýynsha, Ázerbaıjan tarapy bul máselege qatysty óz ustanymyn resmı túrde jetkizgen. Baký tergeý isi sońyna deıin jetkiziledi dep úmittenedi. Bul Reseı prezıdenti buryn Dýshanbe qalasynda ótken kelissózder barysynda aıtqan málimdemelerge saı kelýi tıis.
«Bizdiń kútkenimiz – eki el basshylary arasyndaǵy kelissózder barysynda qol jetkizilgen ýaǵdalastyqtarǵa saı prosestiń tolyq aıaqtalýy», dedi Djeıhýn Baıramov.
Sonymen qatar AZAL ushaǵynyń Mańǵystaý oblysynda apatqa ushyraǵanyna bir jyl tolýyna oraı Qazaqstan Respýblıkasynyń Kólik mınıstrligi «aralyq habarlama» dep atalǵan materıal jarııalady. Qujat áýe apatynyń bir jyldyǵyna oraı daıyndalǵan.
Habarlamada mamandar ekıpajǵa qatysty derekterdi, ushý parametrlerin, aýa raıy jaǵdaıyn jáne áýe kemesiniń tehnıkalyq jaı-kúıin zerttegeni kórsetilgen. Saraptamalar nátıjesinde jarylǵysh zattardyń izderi anyqtalmaǵan.
