Qyzylorda oblysy ákimdigi
Byltyr «Obelısk» izdestirý sharalary barysynda 1944 jylǵy urystarda qaza tapqan qyzyl áskerlerdiń súıegi tabylǵan. Olardyń arasynda 326-shy atqyshtar dıvızııasy 1101-shi atqyshtar polki sapynda qyzmet etken aǵa serjant Baıbol Rahmetovtiń de múrdesi bar edi.
1917 jyly Qyzylorda qalasynda týǵan maıdanger súıeginiń janynan «Qyzyl Juldyz» ordeni men «Jaýyngerlik erligi úshin» medali, ustarasy, qalamsaby, pyshaǵy shyqqan. Búgin maıdanger múrdesi týǵan jer topyraǵyna jetkizildi.
Rásimde surapyl soǵys jyldary erlik kórsetken qaharman qurmetine bir mınýt únsizdik jarııalanyp, eskertkishke gúl shoqtary qoıyldy. Qala ákiminiń orynbasary Dilmuhamed Abızov arada qanshama jyl ótkende týǵan topyraǵyna amanat bolyp jetken jaýyngerdiń rýhyna taǵzym etý búgingi urpaqtyń qasıetti boryshy ekenin aıtty. Maıdangerdiń jaqyndary erlikti ulyqtaǵan azamattarǵa alǵystaryn bildirdi. Soǵys sarbazynyń súıegi Aqsýat aýyldyq okrýgi aýmaǵyna qoıyldy.
