Sport • 29 Jeltoqsan, 2025

Jalǵas Jumaǵulovtyń Oktagon týrnırindegi jekpe-jegi tosyn nátıjemen aıaqtaldy

30 ret

kórsetildi

1 mın

oqý úshin

28 jeltoqsannan 29 jeltoqsanǵa qaraǵan túni qazaqstandyq aralas jekpe-jek sheberi Jalǵas Jumaǵulov Oktagon týrnırinde chempıondyq belbeýin qorǵaý úshin kezdesý ótkizdi. Chehııanyń Praga qalasynda ótken jekpe-jekte otandasymyzdyń qarsylasy cheh Davıd Dvorak boldy, dep jazady Egemen.kz.

Dana MYRZAQADIR

Jalǵas Jumaǵulovtyń Oktagon týrnırindegi jekpe-jegi tosyn nátıjemen aıaqtaldy

Foto: sportm.kz

OKTAGON MMA 81 týrnırinde Jalǵas Jumaǵulov maýsym aıynda jeńip alǵan ataǵyn alǵash ret qorǵaýǵa shyqty. Tájirbıeli MMA sheberi Davıd Dvorakpen ótken tartysty jekpe-jek Jalǵas Jumaǵulovtyń jeńisimen aıaqtaldy.

Otandasymyzdyń chempıon ekenine qaramastan sport sarapshylary Davıd Dvorakty kezdesý favorıti dep tanyǵan bolatyn.

Degenmen cheh faıteri tórtinshi raýndta jekpe-jekti jalǵastyrýdan bas tartyp, jeńis Jalǵas Jumaǵulovtyń esebine jazyldy.

Osylaısha, Jumaǵulov on toǵyzynshy jekpe-jegin sátti aıaqtasa, Davıd Dvorak sporttyq mansabynda jetinshi ret jeńiliske ushyrady.

Qarasha aıynda UFC-de óner kórsetetin otandasymyz Asý Almabaev UFC Fight Night 265 týrnırinde amerıkalyq Aleks Peresti jeńgen edi.

Endi Asý Almabaev kelesi jekpe-jeginde jeńiske jetse dıvızıonnyń úzdik bestigine enýi yqtımal.