Buǵan deıin qysqy Olımpıadanyń ashylýynda tý ustap shyǵatyn sportshylarǵa qatysty alyp-qashpa, negizsiz málimet taraǵan edi. Osynyń anyq-qanyǵyn Týrızm jáne sport mınıstrligi janyndaǵy Qoǵamdyq keńestiń tóraǵasy Elsııar Qanaǵatovtan suradyq.
«2026 jyly Italııada ótetin qysqy Olımpıadanyń ashylý saltanatynda Qazaqstannyń týyn ustap shyǵatyn sportshylar týraly jarııalanǵan aqparattyń shyndyqqa janaspaıtynyn málimdeımiz. Qazirgi ýaqytta tý ustaýshylardy tańdaý jóninde eshqandaı naqty sheshim qabyldanǵan joq.
Qoǵamdyq keńestiń otyrysynda yqtımal úmitkerler men irikteý krıterııleri ǵana talqylandy. Sondyqtan bul aqparat resmı sıpatqa ıe emes. Buqaralyq aqparat quraldarynda naqty sportshylardyń aty-jóniniń atalýyn rastalmaǵan qaýeset retinde qabyldaý qajet.
Tý ustaýshylarǵa qatysty túpkilikti sheshimdi Týrızm jáne sport mınıstrligi Olımpıadanyń bastalýyna jaqyn qalǵanda sporttyq jetistikterdi, Olımpıadaǵa daıyndyq deńgeıin jáne tıisti irikteý rásimderin eskere otyryp jarııalaıdy. Biz buqaralyq aqparat quraldaryn ulttyq quramanyń quramy men tý ustaýshylar týraly aqparatty jarııalaý kezinde tek resmı derekkózderge súıenýge shaqyramyz», dedi E.Qanaǵatov.
